'n '''Kolonie'''<ref>gengbaar op 't [[Nederlands]] en [[Duits]]</ref> of '''Colonie'''<ref>gengbaar op 't [[Frans]]</ref> is 'nen term dee in de [[polletieke weitesjappe]] zoeväöl meint es 'n [[territorium]] wat door [[boetelender]]s weurt geregeerd.<ref>https://en.wikipedia.org/wiki/Colony</ref> 't Stiechte vaan kolonieëkolonies steit bekind es [[kolonisatie]]. 't Veurstendersjap veur 't opriechte en/of behawwe vaan kolonieëkolonies weurt [[kolonialisme]] geneump. Dees [[ideologie]] weurt euver 't algemein gezien es deil vaan 't modern [[imperialisme]]. Iemes dee oet 'n kolonie kump weurt op 't [[Limbörgs]] ouch-wel 'nen '''oosgenger''' geneump.<ref>https://www.mestreechtertaol.nl/dictionair/nld/koloniaal/3/</ref> De formelen term is 'ne '''koloniaol'''.<ref>https://www.mestreechtertaol.nl/dictionair/nld/koloniaal/2/</ref> Door moyen vaan dominantie vaan koloniserende len blieve kolonieëkolonies administratief gesjeie vaan 't koloniserend land (wat ouch-wel de [[metropolitaonse staot]] genump weurt en informeel ouch 't "mojersland").<ref>https://en.wikipedia.org/wiki/Colony</ref> Dit is dus gaans aanders es de situatie boe-in [[Nederlands Limbörg]] deil woort vaan [[Nederland]] en dus gans en al, ouch in terme vaan [[börger]]rechte, Nederlands gebeed woort (''gein'' kolonie dus).
D'n term "kolonie" kump vaan 't [[Latien]], um percies te zien oet 't [[Roemeins Riek]], boe d'n term ''colonia'' woort gebruuk veur nui groondgebeed. ''Colonia'' kaom daan weer vaan 't [[Aajdgrieks]] ''apoikia'', wat "wied eweg vaan hoes" meint.<ref>https://en.wikipedia.org/wiki/Colony</ref>
De gebeede die allewijl door de [[Vereinegde Naties]] weure erkènd es kolonieëkolonies weure officieel [[soeverein gebede zoonder zelfbestèl]] geneump. Dezen term lieket op 't ierste geziech 'ne groete [[paradox]]. [[Soeveiniteit]] rös naomelek op 't ideaal tot 'ne staot zien eige [[bestèl]] heet. 't Idee hei is evels tot dees gebede wel zelfbestèl zawwe kènne höbbe mer tot zie dit (nog) neet höbbe gekrege. Op dees [[lies]] staon neet alle euverziese gebeede. Zoe weurt beveurbeeld [[Curaçao]] neet es kolonie gezien. Allewel 't [[eilaand]] deil oetmaak vaan 't [[Keuninkriek vaan de Nederlan]] heet 't väöl [[autonomie]] en maag 't dat op eder momint oetbreie. [[Frans-Polynesië]], beveurbeeld, weurt evels wel es kolonie bestömpeld umtot 't gans en al oonder mach vaan de [[Fraankriek|Franse]] [[hoofstad]] [[Paries]] vilt.<ref>https://de.wikipedia.org/wiki/Hoheitsgebiete_ohne_Selbstregierung</ref>
