Zuud-Europa: Versjèl tösje versies

Verwijderde inhoud Toegevoegde inhoud
Zeiverklaos (Euverlèk | biedrages)
Nuuj pazjena: {{Dialek|Valkebergs}} '''Zuud-Europa''', ouch-waal '''Mediterraans Europa''' nao de gelieknamig ziè, ies 't utersj zuuje van 't Europees kontinent. De z...
(gei versjil)

Versie op 28 jun 2021 13:15

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Zuud-Europa, ouch-waal Mediterraans Europa nao de gelieknamig ziè, ies 't utersj zuuje van 't Europees kontinent. De zuudgrens van 't Zuuje ies de Mediterranee, die Europa sjeit van Noord-Afrika. De noordgrens ies ivvels subjek van discussie. Luuj oet dizze regio weure dieks Zuujerlinge of Mediterrane geneump. Zuud-Europeane zin dieks sjlachoffer van steoreotype oet Wes- en Noord-Europa; zoea zawwe de luuj luier en temperamentvoller zin. Angersjum geuf 't ouch clichés euver 't noorde bie zuujerlinge. Noorderlinge zawwe neet kinne genete, te väöl te wirke en neet sociaal te zin.

Euver 't algemein weure Portugal, Sjpanje, Italië, Griekeland, Europees Turkieë en (gans of zuujelik) Frankriek mitgerekend tot Zuud-Europa. Soms weurt de ganse Balkan mitgerekend, in anger gevalle weurt dat sjiereiland besjtempeld es Zuudoas-Europa.

't Geuf versjillende definities van Zuud-Europa:

  • Taal - Luuj die Romaanse tale of Grieks kalle. In dat geval zaw Zuud-Europa al metein onger Mesjtreech, bie Luuk beginne. Wienig luuj geve ivvels aan dat Zuud-Europa hie sjtart.
  • Religie - Luuj die Katheliek of Grieks-Orthedox zin. Hie begint Zuud-Europa zelfs nog noordelikker, te zuuje van de Maas en Rien bie de noordgrens van Nederlands-Limburg en Noord-Brabant.
  • Cuisine - De zoagenaamde Boter/Olie-linie. De regio's woa van oarsjpronk olie weurt gebruuk, ies in dat geval Zuud-Europees. In dat geval liegk allein 't Zuujelik gedeilte van Frankriek in dae regio. Ouch liegke inkele noordelik gelege gedeiltes van Italië in 't boter-gebeed.
  • Alcohol - De zoegenaamde Beer/Wien-linie en Vodka/Wien linie. In daes definitie liegk zoa good es gans Frankriek in Zuud-Europa, op Haute-de-France en de Elzas nao - woa van oarsjpronk gein wien mer veural beer gedronke weurt.
  • Geografie - Regio's die te zuuje liegke van de "Groate Berg van Europa": de Alpe, Pyrineë en Balkan. Dit is de meis zuujelik gelaege definitie van Zuud-Europa. In Frankriek liegke dan meh e paar bergdörpkes in 't Zuuje en e groat gedeilte van Noord-Italië liegk ouch neet in Zuud-Europa.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Zuud-Europa&oldid=450033"