Ooswesthoesbes

:::: Nog ff euver dat punt zie of het. Es se 't euver 'n vrouw höbs, besjtaon in 't Limburgs twiè vörm. Iech höb dat in mien book 'Valkebergs' (grammatica) (2013) besjreve. Veurbeeld: (neutraal) 'De buurvrouw haet de wesj opgehange, zie haet ummer häör wesj hièl zuver'. Bie vertroewde persone (vriendin, dochter) zègke v'r: 'Nicole van hie naeve haet de wesj opgehange, het haet zien wesj ummer hièl zuver'. Bie maedsjes gebruuk me ouch de vertroewde vorm: 'Nicole haet 'ne nuje fiets, 't ies hièl bliej.' 'De fiets is van häöm'. In Mestreech gebruke ze eigelik bekans allein de neutraal of 'belaefheidsvorm', ouch veur maedsjes: 'Maria bringk häöre fiets nao de fietsemeker'. 'De fiets is van häör, häöre fiets.' 'Mien vrouw viert häöre verjäördaag kommende week, zie veult zich neet zoe lekker'. Veer zègke in Valkeberg: 'Maria viert ziene verjäördaag kommende week, het veult zich neet zoa lekker.' Pierre Bakkes haet miech oats vertèld dat in Remung ouch de twiè vörm besjtoon.28 jul 2020 09:56 (CEST)[[Gebroeker:Aelske|Aelske]] ([[Euverlèk gebroeker:Aelske|euverlègk]]) 28 jul 2020 09:57 (CEST)

:::::Laes efkes tegooj trögk: de bei vörm bestaon, meh 't gebroek van "zie"/"häör" is hieël begrens. Bie ós zówwe v'r noeatj zègke "De buurvrouw - zie haet de was opgehange", det wuuert dan "De buurvrouw - die haet de was opgehange". 't Waord "zie" is bepirk toet luuj wo me "geer" taenge zaet, meh neet ederein wo me "geer" taenge zaet is "zie"; det is aafhenkelik vanne kónteks. In 't geval van dit artikel zów dus inderdaad zowaal "zie" es "het/det" kónne, wodoor ich de bei vörm höb laote staon. 't Waord "häör" bie "zie" is nag bepirkdjer; hieël väöl luuj gebroeken 't gaar-oet neet in 't inkelvaad, en ouch ich zów 't noeatj zoea gebroeke; bie de meiste Moferter luuj huuert "häör" allein bie nl. "hun". Meh good, 't besteit waal, dus ich höb ouch "häör" herstèldj :) --[[Gebroeker:Ooswesthoesbes|OosWesThoesBes]] ([[Euverlèk gebroeker:Ooswesthoesbes|euverlègk]]) 28 jul 2020 14:13 (CEST)