Nederduutsj: Versjèl tösje versies

Verwijderde inhoud Toegevoegde inhoud
Zeiverklaos (Euverlèk | biedrages)
Nuuj pazjena: {{Dialek|Valkebergs}} File:Verbreitungsgebiet der heutigen niederdeutschen Mundarten.svg|300px|thumb|Allewiel versjpreiingsgebeed van de typologisch Nederlandse (in roaje tinten)...
(gei versjil)

Versie op 4 dec 2020 10:20

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Allewiel versjpreiingsgebeed van de typologisch Nederlandse (in roaje tinten) en de Nederduutsje dialekte (geel- en broenechteg)

Nederduutsj is de verzamelnaam veur 'n aantal in 't noorde van Duutsjland en 't noorde en oaste van Nederland gekalde Wesgermaanse dialekte die neet höbbe deilgenomme aan de Hoagduutsje klankversjuving. Tot 't Nederduutsj weure onger miè de volgende dialekte gereikend: 't Noord-Nedersaksisch (inclusief 't Oas-Fries en 't Sjleeswiek-Holsteins), 't Wesfaals, 't Oasfaals en 't Oas-Nederduutsj zoawie 't Mecklenburgs-Veurpommers en veur 1945 behuèrde ouch 't Oas-Pommers en versjillende variante van 't Platt in Wes-Pruusje en Oas-Pruusje daotoe. Die lèste drie dialekte zin verdwene mit de bevouking van daes provincies wie die woorte geannexeerd tot Pools grondgebeed.

Oarsjprunkelek waor 't bezej "Nederduutsj" ouch de naam van de dialekte in 't Nederlandstaleg gebeed van huuj. 't Woort zelfs tot aan de Twiède Waereldoorlog diks es synoniem van 't Nederlands gebruuk. Allewiel weurt dat nog meh wieneg gedoon. De aandujing "Nederduutsj" weurt überhaup wieneg gebruuk. Luuj die zelf Nederduutsj kalle numme 't diks Plattdüütsch of sömpelweeg Platt of Plat (zoawie luuj dat ouch doon euver hun Limbörgse mojerstaal.

Volges de meis breie diffenitie van 't Nederduutsj, geit 't um alle dialekte die make(n) i.p.v. mache(n) zigke. In dat geval vilt 't Limbörgs nog zjuus binne 't Nederduutsj, wiel Limbörgs-Ripuarische euvergengsdialekte wie Kirkraojs dat zjuus neet mie doon.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Nederduutsj&oldid=446457"