Karazieë: Versjèl tösje versies
Nuuj pazjena: {{Dialek|Venloos}} thumb|right|De Karazieë De '''Karazieë''' (Russisch: ''Ка́рское мо́ре'') maak deil oet van de Naordelike Ieszie... |
(gei versjil)
|
Hujige versie per 22 aug 2020 17:15
Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.
De Karazieë (Russisch: Ка́рское мо́ре) maak deil oet van de Naordelike Ieszieë. Zeej leet ten naorde van Siberië en wuurt begrens door de Karische Poort en de arsjipel Naordland. De naam Kara kump oet 't Jakoets, 'n Törkse taal, en beteikent zwart of ónherbergzaam. Törkse volkere hadde dök de gewuuente veur geografische objecte name te gaeve aan de hand van eur ligking. Zoeë neumde de Ottomane de zieë die ten naorde van eur land loog de Zwarte Zieë (Kara Deniz).
De zieë is óngevier 1.450 kilomaeter lank en 970 kilomaeter breid. De gemiddelde deepde is 110 maeter. Zeej wuurt gevood door de revere d'n Ob, de Jenisej, de Pjasina en de Tajmyra, waodoor eur zaltgehalte varieert.
De wiechtigste haves zien Novy Port en Dikson en wiewaal de zieë tieën maonde van 't jaor toegevraore is, speult visserie 'n wiechtige rol in de regionaal ikkenomie. Meugelik guuef 't ouk aolie- en gaasreserves.