Banaat: Versjèl tösje versies

't '''Banaat''' ([[Roemeens]]: Banat, [[Servisch]]: Банат; Banat, [[Hongaars]]: Bánát of Bánság, [[PrusischDuits]]: Banat, [[Slowaaks]]: Banát of Banat, [[Bulgaars]]: Банат; Banater Bulgaars: Banat) is 'n historische regio in [[Centraal-Europa]] op 't gróndgebeed van [[Servië]], [[Roemenië]] en [[Hongarieje]]. De regio leet op de [[Pannonische vlakde]] en wuurt begrens door de [[Donau]] in 't zude, de [[Thisza]] in 't weste, de [[Mureș]] in 't naorde en de [[Karpate]] in 't oeëste. De groeëtste stad in de regio is [[Timişoara]].

D'n term ''banaat'' wuurt gebroek veur 'n grensgebeed op de [[Balkan]] det woort besteurd door 'nen ban, 'nen hoeëge regeringsambtenaer. In 't magyaarse riek, 't riek van de Hongare, goof 't mierder banate die verdwene nao de oorloge mit de [[Ottomaans Riek|Ottomane]] in de 16e en 17e ieëw. De Törke höbbe dit gebeed langen tied in hand gehad en in 1716 woort 't door de [[Donaumonarchie|Habsburgers]] veroverd. [[Roemene]] vormde de mierderheid en de [[Serve]] en de [[Hongare]] waore 'n wichtige minderheid. In d'n Habsburgsen tied kwame ouk [[Kroate]], [[Bulgare]] en [[PruseDuutsjers|Zwabe]] zich in dees streek vestige, wat 'n verklaoring is veur 't multi-etnische karakter van dit gebeed. D'n [[Ausgleich]] van 1867 goof Hongarieje 'n geliekwaerdige plaats naeve Oeësteriek, maar dees versterking van de machspositie van Hongarieje beteikende ouk 'n [[magyarisatiepolitiek]] van anderstalige gebede.