Jehovagetuige: Versjèl tösje versies

{{dialek|Mestreechs}}

[[Plaetje:2018-Belfort,_Peymeestersdreef,_Koninkrijkszaal.jpg|thumb|Keuninkriekszaol aon de Peymeistersdreef in [[Mestreech]]. Keuninkriekszaole zien, in vergelieking mèt kèrke vaan 't regulier christendom, dèks extreem sober vörmgegeve.]]

De '''Jehovagetuige''', officieel 't '''Wachtoriegenoetsjap''' en in de volksmoond kort-eweg ''Jehova's'', zien e min of mie sectarisch [[christendóm|christelek]] genoetsjap wat euver 't groetste deil vaan de wereld is verspreid. Hun lierstèllinge zien [[nontrinitarisme|nontrinitair]] (ze wieze de [[Heilege Drei-Einheid|H. Drei-Einheid]] aof), [[chiliasme|chiliastisch]] (ze gluive in 't [[Doezendjaoreg Riek]] wat [[Zjezus Christus|Zjezeke]] zal stiechte) en [[restorationisme (christendóm)|restorationistisch]] (ze griepe sterk trök op de begintied vaan 't christendóm). Ouch zien ze 'n [[indtiedbeweging]]: ze verwachte tot Zjezeke snel trök op Eerd zal koume. Op groond vaan hun nontrinitair lier gebruke ze (wienie in de eige taol besjikbaar) hun eige [[biebel]]vertaolinge. In sommege oppervlekkege opziechte vertuine ze euvereinkomste mèt 't [[protestantisme]], al versjèlt hun lier dao sterk vaan. In tegestèlling tot de mieste protestantse kèrke zien ze evels hiërarchisch georganiseerd: op 't hoofkerteer in Warwick (staot New York) weurt de lier veur alle leie veurgesjreve. De Jehova's getuige zien voortgekoume oet de Bible Students Movement die d'n Amerikaon [[Charles Taze Russell]] ind jaore 1870 stiechde. Hunne naom, dee ziech baseert op [[Isaias]] 43:10-12, naome ze in [[1931]] aon. Bij 't groet publiek zien ze bekind gewore door hun [[evangelisatie]] aon de deur, boebij ze mèt neet-geluivege in discussie goon en hun literatuur verspreie. In Nederland woene zoe'n 30.000 Jehovagetuige, op 't Belsj zoe'n 25.000.