't '''Zumpelvelds''' is 't dialekt dat waeëd gesjproache in 't kirchdörp [[Zumpelveld]], wat get ten zujezude ligk van [[Haeële]]. 't Is feitelig 'n uvvergangsdialekt tussje [[Ripuarisch-Limburgs|Zuudoeës-Limburgse]] en [[Ripuarisch|Ripuarische dialekte]]. 't Hat doadurch mieë Ripuarische kenmerke es 't Haeëlesj, mar minder es 't [[Bóchezer]].
't Groeëtste versjil mit echte Ripuarische dialekte is dat de beginletter ''j'' bauw nit vuurkunt, mar dat doa ummer de ''g'' jebroechtgebroecht waeëd. Zoeë zeët me hei ''groeës'' en nit ''groeët'' of ''jroeës'', wat ze weer waal respectievelig in Haeële en Bóches dunt. Waal waeëd de ''ch'' gebroecht i plaatsj van ''k''. 't Haeëlesje woad ''kirk'' sjpricht me hei oes wie ''kirch'' en dat deet me óch in Bóches.
