Maleis: Versjèl tösje versies

Verwijderde inhoud Toegevoegde inhoud
Geen bewerkingssamenvatting
Tekslien 79:
 
==Invlood op 't Nederlands en Limbörgs==
Door 't iewelangiewelaank taolcontak vaan 't Maleis en 't Nederlands naome 't [[VOC]]-personeel en later de koloniste väöl Maleise wäörd euver. 't [[Indisch-Nederlands]] zit vol demèt, meh ouch in 't Algemein Nederlands, entans in 't [[Nederlands in Nederland]], zien väöl Maleise wäörd doorgedroonge. Alleriers zien dat wäörd veur zakes oet Zuidoos-Azië die in Europa oonbekind waore, wie ''[[bamboe]]'', ''[[doerian]]'', ''[[kaketoes|kaketoe]]'', ''[[kampong]]'', ''[[mango|manga]]'' (allewijl gemeinelek ''mango'', oonder Ingelsen invlood), ''[[orang-oetan]]'' en ''[[rotan]]/rotting''. Aander wäörd verwieze ouch nao de Indische daan wel tropische leefwijs meh zien neet internationaol verbreid, wie ''klamboe'', ''rimboe'' en ''toko''. Zier bekind in Nederland woorte ouch de väöl gerechte/ingrediënte oet de [[Indonesische keuke|Indische]] en [[Chinees-Indische]] keuke, wie ''[[babi pangang]]'', ''[[gadogado]]'', ''[[ketjap]]'', ''[[kroepoek]]'', ''[[nasi goreng]]'', ''[[sambal]]'', ''[[saté]]'' en ''[[tahoe]]'' (neve ''tofoe'', wat oet 't Chinees kump en oonder Ingelsen invlood allewijl gebrukeleker is). Ouch veur alledaogse dinger zien Maleise begrippe euvergenome. Sommege zien nog hendeg herkinbaar, wie ''senang'', wat zoeväöl beteikent wie 'op zie gemaak', meh aander zien al zoe ingebörgerd tot me ze nog lesteg zal herkinne, wie ''bakkeleien'', ''banjeren'', ''branie'' (oersprunkelek e bijveugelek naomwoord, allewijl zoeget wie 'lef'), ''(dat is niet mijn) pakkie-an'', ''piekeren'' en ''soebatten''.<ref>Jan W. de Vries, "Indisch-Nederlands" in: [[Nicoline van der Sijs]] (red.): ''Wereldnederlands. Oude en jonge variëteiten van het Nederlands.'' D'n Haag, Sdu, 2005: pp. 69-71. [https://www.dbnl.org/titels/titel.php?id=sijs002were01 Ouch online besjikbaar.]</ref>
 
Veur e groet deil vaan die wäörd gelt tot ze veural gebruuk weure in Wes-Nederland, boe de zielui vaandan kaome en boe de mieste Indische Nederlanders zien goon woene. Sommege evels zien zjus zoe good tot de [[Limbörgs]]e dialekte doorgedroonge. ''Amper'' en ''batjakker'' beveurbeeld weure algemein es [[Mestreechs]]e wäörd geaccepteerd.<ref>Me kin ze vinde in [[Pol Brounts]] e.a., ''De nuie Mestreechsen dictionair.'' Veldeke, Mestreech, 2004: pp. 61, 72</ref>
Aafkomstig van Wikipedia, de Vriej Encyclopedie. "https://li.wikipedia.org/wiki/Maleis"