Maleis: Versjèl tösje versies

't '''Maleis''' (''Bahasa Melayu'', ''Bahasa Indonesia'', ''Bahasa Malaysia'') is 'n [[Austronesische taole|Austronesische taol]] die weurt gesproke in groete deile vaan [[Zuidoos-Azië]]. De taol is woersjijnelek aofkumsteg vaan [[Borneo]] en is daoneve ouch inheims in [[Malaya]] ('t vasteland vaan [[Maleisië]]), 't zuie vaan [[Thailand]] en groete deile vaan [[Sumatra]]. 't Is de officieel taol vaan Maleisië (in de vörm '''Maleisisch'''), [[Indonesië]] (in de vörm '''Indonesisich''') en [[Brunei]] zoewie ein vaan de veer officieel taole vaan [[Singapore]] en de [[ASEAN]]. Heidoor weurt de taol tot wied boete häör oersprunkelek gebeed gesproke en verstande. De taol is achterein sterk gevörmp door de Indische, PerzischArabisch-islamitische en Europees-koloniaol culture. 't Aontal moojertaolsprekers bedreug zeker 80 mieljoen; 't totaol aontal sprekers ligk roond de 300 mieljoen.

't Maleis huurt in eder geval tot de [[Malayo-Polynesische taole]], 'n gróp die alle Austronesische taole boete [[Taiwan]] umvat. Ouch daobinne gief 't weer diverse subfemilies. 't Maleis vèlt in de [[Wes-Indonesische taole|Wes-Indonesische]] gróp, die oonder mie alle taole vaan [[Borneo]], [[Java]], [[Bali]], [[Lombok]], sommege vaan [[Sumatra]] (inclusief 't [[Atjehs]] meh exclusief taole oet 't binneland vaan Noord- en Midde-Sumatra) en get taoleilen op [[Hainan]] en in [[Vietnam]] en [[Cambodja]] umvat, wie ouch 't op [[Madagaskar]] gesproke [[Malagasy]]. Bezunder ing verwant is 't Maleis aon de taole vaan de westeleke Dajaks, meh ouch aon 't [[Soendanees]] vaan westelek Java. 't Is daorum neet zoe vreem tot 't Maleis ziech hei vrij gemekelek kós verspreie. Mèt oonder mie 't [[Javaans]] is 't e bitteke minder verwant, meh nog ummer valle de euvereinkomste vrij snel op.