Versie op 20 sep 2019 17:37 bewirk Ooswesthoesbes (Euverlèk \| biedrages) Administrators 32.874 bewerkingen mestreechtertaol kintj 'm neet: https://www.mestreechtertaol.nl/dictionair/nld/ongeveer ← Gank nao de veurige diff		Versie op 20 sep 2019 17:42 bewirk óngedaon make Ooswesthoesbes (Euverlèk \| biedrages) Administrators 32.874 bewerkingen →‎Historie Gank nao de volgende diff →
Tekslien 13: Al in de zeventienden iew, wie de taol ziech had trökgetrokke tot in 't weste vaan Cornwall, merkde sommege op dat 't Ingels väöl mie woort gesproke en beter woort verstande es 't Cornisch. Wienie de taol oetstorf is neet dudelek. In häören tied woort Dolly Penthreat, 'n inwoenster vaan 't dörpke [[Mousehole]] die in [[1777]] storf, es de lèste mojertaolspreekster gezeen. Es twiede taol neven 't Ingels leefden 't evels laanger door. Zoeget t'rzelfdertied, en in 'tzelfde dörp, wis eine William Bodinar de taol oet de moond vaan Cornische vèssers te liere. Zelfs in de late negentienden iew gaof 't nog lui die get devaan wiste. Oet de moond vaan John Davey, 'ne boer oet [[Zennor]], wis me in deen tied nog e veerske op te teikene. Zelfs in d'n twintegsten iew gebruukde sommege nog Cornische wäörd en oetdrökkinge - meugelek gaof 't ouch toen nog lui die drin kóste conversere. Greujend Keltisch nationalisme aon 't ind vaan deen tied reep in väöl Cornishmen 't verlange op um de taol te liere. [[Henry Jenner]] publiceerde in 1904 e handbook veur 't Cornisch. Heer had ziech daoveur gebaseerd op diverse aw tekste. Dees publicatie zuut me dèks es 't begin vaan de Cornische heropleving. Diverse ~~werkde~~werke volgde in de loup vaan d'n twintegsten iew. Zeker vaanaof 1980 begóste ummer mie lui 't Cornisch ouch weer es spreektaol te gebruke. Dit leide wel tot discussies euver de te gebruke vörm. Vaanajds hadde de revivaliste gebruuk gemaak vaan 't ''Unified Cornish'' wat [[Robert Morton Nance]] vaanaof 1929 had oontwikkeld. [[Ken George]] waor dao neet gans tevrei mèt en oontworp in [[1986]] 't ''Kernewek Kemmyn''. Roond dezelfden tied kaom [[Richard Gendall]] mèt 't ''Kernuack Nowedga'', 'ne vörm dee ziech in tegestèlling tot de veurege neet op 't Middelcornisch meh op 't laat-Cornisch vaan de zeventienden en achtienden iew baseert. In 2002 kraog de taol erkinning vaan de Britse euverheid oonder 't Europees Handves veur Minderheidstaole. Mèt dees erkinning woort wel dudelek wie groet 't probleem vaan de oonderling strijege standaarde waore. Me naom in 2008 daorum 'ne nuie vörm aon, de ''Standard Written Form'' of ''Furv Skrifys Savonek''. De mieste oteurs höbbe hun eige spellingsveurkäöre laote valle veur deze nuie standaard.

Cornisch: Versjèl tösje versies