Cornisch versjèl tösje versies

2 bytes eweggehaold ,  2 jaar geleden
mestreechtertaol kintj 'm neet: https://www.mestreechtertaol.nl/dictionair/nld/ongeveer
K (→‎Historie: idioom)
(mestreechtertaol kintj 'm neet: https://www.mestreechtertaol.nl/dictionair/nld/ongeveer)
Nao 1500 góng 't verval helder. In [[1549]] lag 't Ingels [[Liegerhoes]] aon alle kèrke 't [[Book of Common Prayer]] op, mèt gezaange in 't Ingels die de [[Latien]]se liturgie móste vervaange. In Cornwall, boe väöl lui gein Ingels kóste of wouwe spreke, lokde dat verzat oet. Dit verzat woort hel oonderdrök en de Ingelse taol woort in gans Cornwall doorgeduid. 'n Bijkoumende rei veur 't verval waor tot de band mèt Bretagne gooddeils verbroke waor.
 
Al in de zeventienden iew, wie de taol ziech had trökgetrokke tot in 't weste vaan Cornwall, merkde sommege op dat 't Ingels väöl mie woort gesproke en beter woort verstande es 't Cornisch. Wienie de taol oetstorf is neet dudelek. In häören tied woort Dolly Penthreat, 'n inwoenster vaan 't dörpke [[Mousehole]] die in [[1777]] storf, es de lèste mojertaolspreekster gezeen. Es twiede taol neven 't Ingels leefden 't evels laanger door. OongeverZoeget t'rzelfdertied, en in 'tzelfde dörp, wis eine William Bodinar de taol oet de moond vaan Cornische vèssers te liere. Zelfs in de late negentienden iew gaof 't nog lui die get devaan wiste. Oet de moond vaan John Davey, 'ne boer oet [[Zennor]], wis me in deen tied nog e veerske op te teikene. Zelfs in d'n twintegsten iew gebruukde sommege nog Cornische wäörd en oetdrökkinge - meugelek gaof 't ouch toen nog lui die drin kóste conversere.
 
Greujend Keltisch nationalisme aon 't ind vaan deen tied reep in väöl Cornishmen 't verlange op um de taol te liere. [[Henry Jenner]] publiceerde in 1904 e handbook veur 't Cornisch. Heer had ziech daoveur gebaseerd op diverse aw tekste. Dees publicatie zuut me dèks es 't begin vaan de Cornische heropleving. Diverse werkde volgde in de loup vaan d'n twintegsten iew. Zeker vaanaof 1980 begóste ummer mie lui 't Cornisch ouch weer es spreektaol te gebruke. Dit leide wel tot discussies euver de te gebruke vörm. Vaanajds hadde de revivaliste gebruuk gemaak vaan 't ''Unified Cornish'' wat [[Robert Morton Nance]] vaanaof 1929 had oontwikkeld. [[Ken George]] waor dao neet gans tevrei mèt en oontworp in [[1986]] 't ''Kernewek Kemmyn''. Roond dezelfden tied kaom [[Richard Gendall]] mèt 't ''Kernuack Nowedga'', 'ne vörm dee ziech in tegestèlling tot de veurege neet op 't Middelcornisch meh op 't laat-Cornisch vaan de zeventienden en achtienden iew baseert.
Aafkomstig van Wikipedia, de Vriej Encyclopedie. "https://li.wikipedia.org/wiki/Speciaal:MobielVerschillen/437397"