Of 'n bepaolde bevolkingsgróp 'n etniciteit is heet veur e gedeilte te make mèt de vraog of de lui die deil oetmake vaan die gróp ziech es zoedaoneg identificere. Wat betröf dat perspectief kin me vraogteikes zègke achter wie vergeliekbaar de Waolse identiteitetniciteit mèt de Vlaomse is. Väöl Waole identificere ziech es Belzje, Franstaolege Belzje of Franstaolege Europeane (de elite in [[Luik]] identificeerde ziech historisch zelfs dèks mèt de [[Fraankriek|Franse]] identiteit, wat wil zigke: vaan 't land Fraankriek). In Vlaondere weurt väöl dèkser geïdentificeerd mèt de Vlaomse etnische identiteit, en väöl minder mèt de Belzje of linguïstische ([[Nederlands]]taolege) identiteit. Dit kump neet allein in 't alledaogs leve vaan Waole en Vlaominge nao veure, mer ouch bij de officiële instèllinge vaan Belsj. Zoe weure Vlaominge es Nederlandstaolege bevolking gerepresenteerd door de [[Vlaomse Gemeinsjap]], wijl de Waole es Franstaolege bevolking gerepresenteerd weure door de [[Franse Gemeinsjap]] - 'n "Waolse Gemeinsjap" besteit dus neet.
