Turkije: Versjèl tösje versies

Turkije heet 'n rilletief jong bevolking en gelt same mèt [[Ierland]], [[Iesland]], [[Cyprus]], [[Kosovo]] en [[Luxemburg]] es ein vaan de wienege (gedeiltelek) Europese len mèt 'nen hoege bevolkingsgreuj. Zoen 80% vaan de bevolking is etnisch [[Törke|Törks]], dewijl de twiede groetste etnische gróp besteit oet [[Koerde]]. De Koerde leve veural in 't zuidooste vaan 't land. Vaan oersprunk waor 't Anatolisch Sjiereiland ouch bewoend door [[Grieke]], [[Armene]] en [[Assyriërs]], meh nao de [[genocide]]s op dees christeleke volkere vaanaof 't ind vaan de [[negetiende iew]] sloonk hun aontal hendeg. Ouch cultureel assimilatie en de bevolkingsoetwisseling tösse [[Griekeland]] en Turkije nao d'n [[Ierste Wereldoorlog]] heet heibij 'ne rol gespäöld.<ref>[http://www.niod.nl/sites/niod.nl/files/Armeense%20genocide.pdf NIOD Instituut voor Oorlogs-, Holocaust- en Genocidestudies - De Armeense genocide, 1915]</ref> 't Verdraag vaan Lausanne in [[1923]] beteikende 't begin vaan 't modern Turkije. Heibij woorte de Grieke, Armene en Assyriërs officieel es bevolkingsgróp in 't nui Turkije erkind. Daodoor genete dees allewijl marginaal minderhede officieel speciaol minderheidsrechte.