[[Plaetje:Hill landscape Epen.jpg|miniatuur|Landsjap in Zuid-Limburg]]
{{dialeksec|Mestreechs}}
Wat is die schaduw in de verte? Dat is Limburg, daar wil je niet komen.
Politiek waor Limbörg ummertouw wie 'n lappedeke, boemet veur e deil de groete versjèlle tösse de dialekte oetgelag kinne weure: eder gemeinte heet z'n eige dialek, boebij dèks binne ein gemeinte (zuug [[Venlo]]) nog groete versjèlle kinne bestoon.
Pas in de [[Fransen tied]], dee begós mèt de Franse verovering vaan Mestreech in [[1794]], woort 't gebeed tot 'n bestuurleke einheid gemaak. In [[1815]] bij de vörming vaan 't nui Koninkrijk der Nederlande kraog ein vaan de provincies de naom ''Limbörg''. De keuning Willem 1 waor ouch hertog vaan Limbörg mer heer had gei land dat zoe hètde. Daorum neumde heer, es verlicht despoot, 'n stök land wat van häöm waor, zoe. De naom góng trök op dee vaan 'n aajd hertogdom, dat e gebeed in d'n triangel Maastreech-Aoke-Luik besloog en dat tot [[1648]] had bestande.
Bij de sjeiing vaan Nederland en 't [[Belsj]] in [[1830]] kaom de kwestie aon de orde of Limbörg e deil vaan 't Belsj zouw weure - wie de meiste Limbörgers ziech 't winsde. Oeteindelek woort Limbörg in [[1839]] verdeild in 'n Nederlandse en 'n [[Belsj Limburg|Belzje provincie]]. Nederlands-Limbörg waor vaanaof dat moment es Hertogdom Limburg tot [[1866]] deil van de [[Duitse Bond]].
De provincie bleef de titel Hertogdom tot [[1906]] gebruke. 'n Aander Limbörgse bezunderheid in de titulatuur is tot op d'n daag vaan vendaog blieve bestoon: de [[commissaris van de Koningin]] hèt hei [[gouverneur]].
De Nederlandse euverheid erkint de oersprunkelek in Nederlands Limbörg gesproke [[variëteit (taalkunde)|variëteite]] oonder de naom [[Limbörgs]] es [[streektaol]].
