Bruno Bruins: Versjèl tösje versies

Verwijderde inhoud Toegevoegde inhoud

In de regel

Versie op 9 apr 2019 20:16

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Bruno Johannes Bruins (Arnhem, 10 juli 1963) is 'ne Nederlandse politicus vaan de liberaol-conservatieve VVD en d'n allewijle minister veur Medisch Zörg (Medische Zorg) in 't Kabbinèt-Rutte III.

Bruins studeerde rechte in Greuninge, dao waor heer ouch aktief es sikkertaris vaan de jäögbeweging vaan VVD, JOVD. Vaan 1996 bis 2002 waor Bruins lid vaan de gemeinteraod in D'n Haag. In 2000 woort heer ouch wèthawwer vaan dees stad en dat bleef heer bis 2006, wie heer veur e jaor Nederlands staotssikkertaris vaan Oonderwies, Kultuur en Weitesjap woort in 't Kabbinèt-Balkanende III, boe-in de CDA 'n coalitie vörmde mèt zien partij, de VVD. Dees coalitie bleek evels gei groet succes te zien en veel al in fibberwarie 2007. Datzelfde jaor góng Bruins trök nao de lokaal polletiek, en wel veur e paar maond es woernömmend burgemeister vaan de Zuid-Hollandse gemeinte Leidschendam-Voorburg. Daonao góng Bruins tijdelek 't bedriefsleve in, oonder aandere es direktäör vaan 't verveursbedrief Connexxion.

Wie 't kabbinèt-Rutte III woort ingestèld in 2017, woort in 't indverslaag vaan de coalitiegesprekke veur d'n ierste kier de nui ministerspos Medische Zörg geneump. 't Geit hei um e ministersjap zoonder portefeuille; dat wil zègke, e ministersjap zoonder eige ministerie. In plaots daovaan vilt de minister veur Medische Zörg direk oonder 't Ministerie vaan Volksgezoondhied, Welzien en Sport, boevaan allewijl de CDA'er Hugo de Jonge minister is. Es minister vaan Medisch Zörg is Bruins belas mèt geneeskundeg zörg, de zorgverzekeringswèt en zörgtouwslaag, touwziech op veujselkwaliteit, baone, oplleiing en arbeidsmerretbeleit veur de zörg, gezoondheidsbesjèrming, medische biotechnologie, genees- en hölpmiddele, drugsbeleid en 't sportsbeleid vaan de zörg.