Studentecorps: Versjèl tösje versies

Corpora stoon bekind es de traditioneelste vereineginge. De hiërarchie is in 't algemein bezunder streng: nui leie ('feute' geneump) doorloupe 'n [[oontgreuning]], boe-in ze sterk op de preuf weure gestèld, en ouch nao 't ierste jaor is anciënniteit vaan groet belaank. Horizontaol integratie weurt belaankriek gevoonde; nui ierstejaors mote bij hun oontgreuning 'n [[jaorclub]] vörme. Studente die bijein zitte in 'n jaorclub blieve dèks hun gans leve vrun. Verticaol integratie is minder belaankriek meh is meugelek door [[dispuut (studenteleve)|dispute]]. Veur dispute moot me dèks apaart 'n oontgreuning doorloupe.

Leie, veural meh neet allein ierstejaors, höbbe diverse pliechte, boe-oonder e minimum aontal verpliechde [[soos]]aovende. Väöl regele zien expliciet oongesjreve; ze stoon bekind es de ''[[mores]]'' (inkelvoud ''mos'') en weure bij de oontgreuning aon de nui ierstejaors mètgegeve. Ouch 't uterlek is vaan belaank: jonges mote in [[tenue de ville|pak]] ('jasje-dasje') nao de soos koume en op gala's löp me in [[rok (frak)|rok]]. Me drink vaanajds väöl, in 't bezunder [[beer]]. Leie vaan 't corps koume dèks oet elitair femilies, die 'n ganse traditie bij dezelfde vereineging höbbe.