[[Image:LocatieWaterland.png|frame|Ligking vaan de gemeinte Waterland in Noord-Holland]]
'''Waterland''' is 'n [[gemeinte]] en 'n streikstreek in de [[Nederland]]se [[provincie]] [[Noord-Holland]]. 't Waterland ligk tösse 't [[Markermeer]] (in 't ooste), [[Amsterdam]] (in 't zuiezuide), de [[Zaanstreik]] (in 't oesteooste) en [[Wesfriesland]] (in 't noorde). De gemeinte Waterland besleit evels neet 't gans gebeed: me rekent ouch [[Landsmeer]], e deil vaan [[Purmerend]], [[Lendelik Noord-Amsterdam]] en dèks ouch [[Edam-Volendam]] tot 't Waterland. De gemeinte Waterland had op 1 augustus 2006 17.244 inwoeners, besleit 'n oppervlak vaan 115,6 km<sup>2</sup> (daovaan 53,6 km<sup>2</sup> water; vaandaovandao de naom) en besteit oet 't stedsje [[Monnickendam]], de [[dörp]]er [[Broek in Waterland]], [[Ilpendam]], [[Katwoude]], [[Marken]] (e veurmaolegveurmaolig eiland) en [[Uitdam]].
't Waterland heet ziene naom neet gestole: binne de bedieking die 't gebeed besjermp ligke hiel väöl klein en groeter peul en iewelaank waor 't land hendegerreg vatbaar veur euverstruimingsrampe. Vaanajds sprik me hei de [[Waterlands]]e variant vaan 't [[Hollands]], dit dialek is neet euveral eve vitaol mie, umtot ziech in väöl dörper lui vaan boete 't Waterland - veural oet Amsterdam - gevesteg höbbe.
==Historie==
In de vreug [[middeliewe]] waor 't land al bewoend; 't hoort toen bij 't Fries vestegingsgebeed en 't waor 'n [[gouw]] vaan Wesfriesland. In de loup vaan de middeliewe góng 't gebeed verlore aon [[Holland]]. In de [[twelfde iew|twelfde]] en [[daartiende iew]] begós me 't gebeed mèt 'ne ziediek te umgeve. Dezen diek braok in de volgende iewe dèkser door. De törfgroond waor veur akkerbouw oongesjik; daorum lag me ziech vaanajds op veehawwerijviehawwerij touw. In de [[veertiende iew]] oontstoonte de ierste stei, [[Edam]] en [[Monnickendam]]. In de [[zeventiende iew]] woorte de groetste plasse in 't Waterland droeggelagdruuggelag. De modern gemeinte Waterland oontstoont in [[1991]] door sameveuging vaan de aw gemeintes Broek in Waterland, Ilpendam, Katwoude, Marken en Monnickendam.
