=== De laankzaome oondergaank vaan IS (2016-2017) ===
==== 2016 ====
De oondergaank vaan IS lieket in november [[2017]] 'n feit te zien, mer 't tij lieket al te kiere vaanaof [[2016]]. Op [[4 fibberwarie]] 2016 verklaort [[Saoedi-Arabië]] ziech bereid um in de strijd tege IS groondtroepe in te zètte in Syrië.<ref>http://www.nu.nl/isis/4209557/saudi-arabie-bereid-grondtroepen-syrie-sturen.html</ref> De [[VS]] zeet begin fibberwairefibberwarie 'n rapport te höbbe boe-in blijk tot IS in de aofgelaope 12 maond 20% vaan zien manskrach heet verlore. Dit zaw veural te daanke zien aon de Russische en Amerikanse militaire interventie.<ref>http://www.elsevier.nl/Buitenland/achtergrond/2016/2/Amerikanen-Wij-hebben-IS-laatste-jaar-verzwakt-2757205W/</ref> Op [[16 fibberwarie]] bombardere ouch de [[Nederland]]ers veur 't iers doele vaan IS in Syrië, nao 't [[kabbinèt-Rutte II]] 'n week ierder dit heet beslote.<ref>http://nos.nl/artikel/2087310-nederlandse-f-16-s-bombarderen-in-syrie.html</ref> Op [[19 fibberwarie]] bombardere de Amerikane e kamp vaan IS in [[Libië]], naomelek in [[Sabratha]], neet wiet vaan de grens mèt [[Tunesië]]. 't Gief zeker 41 doeje.<ref>http://nos.nl/artikel/2087847-vs-bombardeert-is-doelen-in-libie.html</ref> Op [[25 fibberwarie]] herovere de Syrische regieringstroepe mèt hulp vaan de Russische lochaonvalle de stad [[Khanaser]], die twie daog ierder nog door IS waor ingenomme.<ref>http://www.telegraaf.nl/buitenland/25267160/__Syrie_herovert_stad_op_IS__.html}</ref>
D'n Amerikaanse minister vaan Boetelandse Zake, [[John Kerry]], verklaort op [[13 miert]] tot IS de aofgelaope drei weke zoen 3000 km aon terrein heet verlore. Ouch zien roontelum 600 IS-strijers gehiemeld.<ref>http://nos.nl/artikel/2092543-is-verliest-snel-terrein-in-syrie.html</ref>
