Goonsdag: Versjèl tösje versies

Verwijderde inhoud Toegevoegde inhoud
Nuuj pazjena: {{dialek|Mestreechs}} thumb|Wodan op [[Sleipnir. Teikening oet 1895 vaan Lorenz Frølich.]] De '''goon...
 
Iech dink zeker te snel: tössestap gewoen debijgezat.
Tekslien 6:
D'n daag is geneump nao de [[Germaanse religie|Germaansen oppergod]] [[Wodan]]. De vörm ''goonsdag'' mèt ''g-'' vèlt te verklaore oet [[dissimilatie]] vaan de [w] en de [u] of [o];<ref name=sijs>Nicoline van der Sijs (red.), ''Dialectatlas van het Nederlands''. Uitgeverij Bert Bakker, Amsterdam, 2011: pp. 160-1</ref> de vörm ''Godan'' veur Wodan is hei en dao aongetroffe. In 't [[Latien]] hèt d'n daag ''Mercurii dies'', in 't [[Aajdgrieks]] ἡμέρα Ἕρμου (''hèmera Hermou''). Wodan woort in de [[interpretatio Germanica]] dus geliekgestèld mèt [[Mercurius (god)|Mercurius]]. Euveregens is d'n daag neet direk nao de god geneump, meh nao de [[Mercurius (planeet)|planeet Mercurius]], zoewie alle weekdaog nao hiemelliechame zien geneump. 't [[Astronomisch symbool]] veur de planeet Mercurius <big>☿</big> woort veural vreuger ouch es teike veur de goonsdag gebruuk.
 
Euver 't algemein zeet me in [[Belsj Limbörg]] en in 't midde en zuie vaan [[Nederlands Limbörg]] (tot aon [[Remunj|Remund]]) ''goonsdag'', dewijl me in noordelek Nederlands Limbörg sprik vaan ''weunsdag'' of ''woonsdag''. Oetzunderinge gief 't op allebei: 'Goonsdag'goonsdag'' kump beveurbeeld ouch in [[Bree (Nederlands Limburg)|Bree]] veur, dewijl me in [[Tóngere]] vaan ''weunsdag'' sprik.<ref name=sijs/>
 
In 't uterste zuidooste vaan Nederlands Limbörg sprik me vaan ''midwoch''.<ref name=sijs/> Dee naom, dee ouch in 't [[Duits|Hoegduits]] algemein is (''Mittwoch'') kump vaan e [[taboe]] op 't neume vaan de Germaanse gode. Dit kump in mie taole veur (in oonder mie 't [[Portugees]] en 't [[Russisch]] weure op de zaoterdag nao alle naomdaog gewoen genommerd) meh in 't Duits vèlt op tot me d'n dinsdag, doonderdag en vriedag oongemeujd heet gelaote.
Aafkomstig van Wikipedia, de Vriej Encyclopedie. "https://li.wikipedia.org/wiki/Goonsdag"