Vriedag: Versjèl tösje versies

Verwijderde inhoud Toegevoegde inhoud
Luustert veural NEET heinao: https://www.youtube.com/watch?v=kfVsfOSbJY0
 
Vriedag d'n 13en.
 
Tekslien 4:
Vriedag is verneump nao [[Frija]]/Frigge, 'n [[Germaanse religie|Germaanse godin]] die dèks mèt [[Freyja]] weurt verwart daan wel geliekgestèld. D'n oersprunkeleke naom is ''Veneris dies'' in 't [[Latien]] en Ἀφροδῑ́της Ἡμέρα (''Aphroditès hèmera'') in 't [[Aajdgrieks]]. Frija woort dus [[interpretatio Germanica|geliekgestèld]] mèt [[Venus (godin)|Venus]]. Dit is neet allein 'n religieus meh ouch 'n taolkundege interpretatie: zoewel ''venus'' es ''frīja'' beteikene 'leefde' ('t lèste word is verwant aon ''vrije'' en ''vrund''). In feite is d'n daag neet direk nao de godin geneump, meh nao de [[Venus (planeet)|planeet Venus]]. 't [[Astronomisch symbool]] vaan die planeet (<big>♀</big>, ouch 't symbool vaan 't [[vrouwelek]] geslach) woort veural vreuger ouch es teike veur de vriedag gebruuk.
 
Vriedag moot vaan oersprunk 'ne [[gelöksdaag]] zien gewees, umtot de godin en planeet Venus euver 't algemein gunstege associaties höbbe (leefde, vrei, meh ouch verleiing). Door [[christendom|christeleken]] invlood is 't evels in väöl culture 'nen oongelöksdaag gewore. [[Goje Vriedag]] weurt herdach es d'n daag boe-op [[Zjezeke]] aon 't kruus genegeld woort en dit is veur väöl lui d'n ierste associatie. Veural in de modernen tied is 't bijgeluif wiedverbreid geraak tot me moot oppasse veur [[Vriedag d'n Daartiende]]; 'nen daag dee twie oongelöksbringers kruis en daorum bezunder oongelökkeg zouw zien. Op deen daag weure groete beslissinge wie trouwe of e hoes koupe significant minder genome. In de [[Roems-Kathelieke Kèrk]] waor 't vaanajds 'ne vastendaag, noe nog (of entans tot veur kort) waor 't oonder kathelieke de gewoente op vriedag vès te ete.
 
In d'n [[islam]] is de vriedag de [[rösdaag]] en daag vaan 't gebèd, wie dat in 't [[joededom]] de zaoterdag en in 't christendom de zondag is.
Aafkomstig van Wikipedia, de Vriej Encyclopedie. "https://li.wikipedia.org/wiki/Vriedag"