Aroemeens: Versjèl tösje versies

't Aroemeens versjèlt op diverse punte vaan 't Roemeens. 't Opvallendste versjèl is tot 't Aroemeens väöväöl mie Griekse wäörd heet en 't Roemeens mie Slavische. Aroemeense variëteite in Macedonië en Bulgarije höbbe ouch wel Slavische wäörd, meh die zien vaan väöl lateren datum. De väölheid aon Griekse wäörd heet ouch gemaak tot 't Aroemeens klaanke heet die in 't Roemeens oonbekind zien, wie /θ, ð, x, ɣ/. Zjus wie de mieste taole op de Balkan kint 't Aroemeens gein [[infinitief|infinitieve]], dewijl 't Roemens die wel heet gehawwe. De ierste persoen inkelvoud indeg gemeinelek op ''-u'', dewijl deen oetgaank in 't Roemeens verdwene is (Aroemeens ''cãntu'', Roemeens ''cânt'' 'iech zing').