Oosterieks hierevoetbalèlftal: Versjèl tösje versies

K
gein bewirkingssamevatting
K (typo)
KGeen bewerkingssamenvatting
D'n echte gouwen tied brik aon in de jaore daarteg. In 1931 wèt Oosteriek, es ierste team vaan 't Europees vasteland, vaan Sjotland te winne. Op 't [[Wereldkampioensjap hierevoetbal|Wereldkampioensjap]] vaan 1934 ('t ierste boe Oosteriek ziech veur insjreef) woort de veerde plaots behaold, bij de Olympische Speule vaan 1936 in [[Berlijn]] zelfs de zèlvere medaje (2-1 tege [[Italiaans hierevoetbalèlftal|Italië]] nao verlènging). Ouch veur 't WK vaan 1938 had Oosteriek ziech geplaots, meh d'n [[Anschluss]] maakde 'n ind aon 't bestoon vaan 't Oosterieks team. In theorie hej 't vereineg Duits team 't sterkste vaan de ganse wereld kinne weure, meh de vereineging kaom te vreug um dao e good team vaan te make.
 
Nao 't ind vaan d'n Twiede Wereldoorlog woort al gaw weer 'n Oosterieks èlftal geformeerd; al in augustus 1945 späölde dit team twie kier tege Hongarije. Aanders es Duitsland moch Oosteriek wel mètdoen aon 't WK vaan 1950; 't land trok ziech evels vreugtijeg trök. In 1954, bij 't WK in Zwitserland, haolde 't land de daarde plaots (nao verlees vaan Duitsland en wins op [[Uruguayaans hierevoetbalèlftal|Uruguay]]). Veer jaor later waor Oosteriek neet zoe succesvol, en in 1962 trok 't ziech trök. In 1965 wis Oosteriek op [[Wembley]] te winne vaan Ingeland; 't waor pas 't daarde team vaan 't Europees vasteland wat dat lökde. Toch haolde Oosteriek 't WK vaan 't jaor dao-op neet. Dat lökde pas weer in 1978, wie 't land tot de kwartfinales kaom. Oosteriek baorde in de grópsfaas opzien door de regerende wereldkampioen Duitsland mèt 3-2 te versloon (en ze zoe oet te sjakele), 'ne match bekind es 't 'Woonder vaan [[Córdoba (Argentinië)|Córdoba]]'. In 1982 troffe Oosteriek en Duitsland ziech obbenuits in de poule. Noe beslote ze nao tien menute tot 'n salonwins vaan 1-0 veur Duitsland, boebij allebei de len zouwe doorgoon. Deze match stoontsteit bekind es de 'Sjan vaan [[Gijón]]' en waor direkte aonleiing um de lèste späöldaag vaan poules op groete toernoje in 't vervolg synchroon te speule.
 
Nao 1982 wis 't Oosterieks team ziech nog twie kier (in 1990 en in 1998) veur e WK te kwalificere, zoonder evels op te valle. In 2008 organiseerde Oosteriek, same mèt [[Zwitserland]], 't [[Europees kampioensjap hierevoetbal]]; 't team waor heidoor otomatisch geplaots en deeg zoe veur d'n ierste kier mèt aon 'n EK. Veur 't [[Europees kampioensjap hierevoetbal|EK vaan 2016]] plaotsde 't team ziech op eige krach.
Aafkomstig van Wikipedia, de Vriej Encyclopedie. "https://li.wikipedia.org/wiki/Speciaal:MobielVerschillen/428856"