Frans hierevoetbalèlftal: Versjèl tösje versies

't Frans voetbalèlftal woort in [[1904]] geformeerd, roond d'n tied tot de [[FIFA]] woort opgeriech. D'n ierste wèdstrijd waor 1 mei dat jaor tegen 't [[Belsj hierevoetbalèlftal|Belsj]] en indegde in 3-3. De sport kaom mer laankzaam op, umtot 't [[fietsrenne]] alle aondach nao ziech touwtrok en ouch de twie soorte [[rugby]] geduchte concurrente zouwe weure. Toch deeg 't èlftal mèt aon 't ierste [[Wereldkampioensjap hierevoetbal|WK voetbal]], in [[Uruguay]], boe 't oonder mie wis te winne vaan [[Mexicaans hierevoetbalèlftal|Mexico]]. In 1938 organiseerde 't land zelf 't WK. In de [[jaore 1950]] späölde de ierste ''gouwe generatie'' vaan Franse voetballers. 't Land orginaseerde in [[1960]] ouch 't ierste [[Europees kampioensjap hierevoetbal|Europees kampioensjap]]. Toch góng 't voetbal in 't land achteroet. 't Nationaol èlftal wis ziech dèks neet te plaotse veur EK's en WK's en als ze die wel haolde, kaome ze neet door de grópsfaas. 'n Opleving kaom begin [[jaore 1980]], mèt de wins vaan 't EK in 1984 (op eige bojem) en twie kier de haaf finaol op 't WK vaan 1982 en 1986. Nao 'ne nuien trökval - op de WK's vaan 1990 en 1994 oontbraoke Les Bleus weer - kaom in 1998 gans oonverwach e groet succes: in eige land woorte ze wereldkampioen. Dit succes heel Fraankriek vas: 't land woort twie jaor later ouch Europees kampioen. Sindsdeen is 't succes wisselend gewees; in 2006 waore ze nog verlerend finalis. Op naovolgende toernoje maakde ze minder indrök. Op 't [[Europees kampioensjap hierevoetbal 2016|EK vaan 2016]], gehawwe in eige land, woorte ze oonverwach kampioen. Dees prestatie kraog e vervolg op 't [[Wereldkampioensjap hierevoetbal 2018|WK vaan 2018]], boe 't land zienen twiede wereldtitel pakde.