Duits hierevoetbalèlftal: Versjèl tösje versies
Verwijderde inhoud Toegevoegde inhoud
→Jaore es groetmach: actueel |
|||
Tekslien 19:
In de jaore tachteg waor ouch 'n nui generatie opgestande, mèt speulers wie [[Lothar Matthäus]] en [[Jürgen Klinsmann]]. Zij zouwe 't veural in de jaore negeteg goon make, zeker wie Wes-Duitsland in 1990 op 't WK in Italië veur de daarde kier wereldkampioen woort. De späölstijl vaan 't èlftal, getraind door ex-topspeuler [[Franz Beckenbauer]], waor in die jaore fysiek: väöl tackles en e groet oethèldingsvermoge, um ouch in de lèste menute nog te kinne touwsloon es dat nujeg is. Dit waor zoewel 'n antwoord op verdedegend, soms rechoet negatief speul wie dat roond dezen tied door väöl ploge (zeker in groete toernoje) woort gespäöld, es op aonvallend speul mèt väöl technisch oontwikkelde spitse. De succesformule bleef de koumende jaore intak (noe mèt e weer vereineg èlftal; 'n kwalificatiewèdstrijd veur 't EK tösse Wes- en Oos-Duitsland waor direk de lèste wèdstrijd vaan 't DDR-èlftal gewees), en worp mèt 't hole vaan d'n Europesen titel in 1996 och nui vröchte aof. Op 't WK vaan 1998 góng 't evels fout: mèt e 3-0 verluus tege [[Kroatisch voetbalèlftal|Kroatië]] waor de formule oetgewèrk en mós de boond nao nui speulers op zeuk.
In 2002 kaom e vernuid èlftal op wat 't op 't WK tot de twiede plaots zouw bringe. De nuie spits [[Miroslav Klose]] woort topsjötter vaan 't toernooj. 't EK vaan 2004 brach mèt oetsjakeling in de grópsfaas neet wat me vaan dit team verwach had. In 2006 organiseerde Duitsland zelf 't WK; 't woort daarde, 'n prestatie die ze veer jaor later herhaolde. Intösse waor de nuie coach [[Joachim Löw]] aongetrejje, oonder wee 't land 'ne nuien tied vaan succes ingóng. Op 't WK vaan 2014 bloonk Duitsland op eder punt oet, zeker ouch aonvallend. Dit weurt veural dudelek in de haaf finaal, wie 't Duits èlftal mèt 7-1 vaan gasland Brazilië won. 't Woort de veerden titel vaan 't land. Zoeväöl te erger veel 't team [[Wereldkampioensjap hierevoetbal 2018|veer jaor daonao]] tege: Duitsland woort, nog ummer oonder Löw, lèste in de poule en mós veur 't iers in de historie e WK nao de poulefaas verlaote.
[[Categorie:Duutsjland|hierevoetbalelftal]]
| |||