Ane Berg (Roerdale): Versjèl tösje versies

't Plat det me hie kaltj wiek praktisch nieks aaf van 't Mofers, oetgezunjerdj van e paar wäördjes, en moog me daoveur gerös [[Mofers]] neume. Dore recènte bevoukingsgreuj vanoet Mofert huuertj me dees wäörd troewes konna. 't Opvallendjste versjil is aevel det Ane Berg achter 'n ''-r'' wuuertj gemouilleerdj, dewiel me det op 't dörp neet duit. Zoea zaet me ''<nowiki>'t raengertj</nowiki>'', ''gesponserdj'' en ''waordj''. Allewiel huuertj me de gemouilleerdje vörm bieje wirkwäörd troewes ouch väöl op 't dörp zelf; dewiel vörm wie ''waordj'' zeen verdwene. Wiejer huuerdje me vörm wie ''hae luip'' noeatj; ''hae löp'' is noe ouch op 't dörp de genkelike vorm. Ane Berg haet wiejer inkel apaarte gevel worin de ''-r'' in 'n ''-l'' verangertj, wie ''tejjel'' veur ''tejjer''. Ouch kómme [[umlaut|umlautsvörm]] wie ''lenger'' veur ''langer'' dökker veur.

Op fonetisch niveau haet zich de spirantverzaachting véúr [z], [j] en [m] zich Ane Berg baeter standjgehaje. E veurbild hievan is de oetspraok van ''oos Mie'' es [ó:z'mì:] en neet es [ó:s'mì:]. Dees verzaachting woor 'n exclusief kènmirk van 't Mofers det allewiel neet mieë besteit.