't Sweeltje: Versjèl tösje versies
Verwijderde inhoud Toegevoegde inhoud
Geen bewerkingssamenvatting |
Geen bewerkingssamenvatting |
||
Tekslien 4:
't Betruf e gebied van 118 hektaar in 't daal van [['t Vlaot]], det naeven 't Sweeltje nag 'n aantaal aan klènder deilgebieden ómvatj die tösse Mofert enne Duutsje grens zeen gelaenge. 't Is 'n eigendóm vanne Stifting 't [[Limburgs Landjsjap]].
In 't jaor [[2000]] woorte de netuurgebiede die in 't bezit wore vanne destiedse gemèndje [[Amb Mofert]] verkóch aan 't Limburgs Landjsjap. 't Sweeltje is 'nen druuege bósaanplantj en besteit gooddeils oet naoldjbós van veurnamelik [[graoven den]] op [[stoefduun]], dae onnag inkel [[hei|heirestantje]] bevatj. Plaatselik greuje jóng roew [[birk]]e, [[liesterbaer]]en en [[zomereik]]en innen óngergreuj. Langs 't Vlaot is 't vöchtiger en dao ligke wei- en huilenjer die door gerich mejbehieër versjräöle. 't Graaslandj wuuertj hie extensief gebroek en mer èns op 't jaor gemejdj. Hiedoor óntwikkeltj zich hie lankzemaan 'ne riekdóm aan plantjesaorte ([[biodiversiteit]]).
De stoefduunreem worop 't Sweeltje ligk is oete veurlitsten iestied. De zenjetige baom is voorerm en druueg. Daoveur haet me 't gebied neet óntgónne, went de landjboew leverdje hie te min op. Veur wins oete gróndj te haole góng me euver op [[bósboew]].
Toete [[avifauna]] behuuere [[gaelgors]] en [[boumpieper]], veural langs de bósrandj. Doordet hie väöl graof denne veurkómme, kómmen ouch vogelsaorte veur die zich specialiseren in dennebus, wie de [[kuifmaes]].
Oeastelik, kortbie [[Postert]], haet 't Limburgs Landjsjap onna'n aantaal aan veurmaolige agrarische percelen in 't bezitj, die waere versjräöldj. Dao vindj me sómtieds onna de [[keuninginnepaasj]] en oppe [[groeate pimpernel]] kump 't [[maasblawtje]] veur. Aansloetendj aan 't Sweeltje bevindj zich in 't oeaste de [[Munningsbós]], wo [[spech]]te veurkómme. De grens tösse dees twieë netuurgebiede wuuertj gevörmp door 't Vlaot; dae is hie hieël deep ingesnejen inne ómgaeving. De baek vörmp e laefgebied veur alderhenj aan algemènder vèssaorten en [[amfibie]]je, wie de [[broene kwekkert]]. Wiejerdoor nao 't oeaste langs de baek ligke nag inkel graaslenjer die toet ane begin vannen einentwintjigsten ieëf zeen ómgevörmp van intensief agrarisch landjsjap nao extensief vieëhaje mit versjräölingsbehieër. Dit haet veural veure [[insek]]tepopulaasje 'ne positieven invlood.
[[Categorie:Mofert]]
| |||