De viering van Halloween ies in de [[19e ièw]] door [[Ier]]se immigranten nao [[VS|Amerika]] mètgenómme. Halloween weurt veural in [[Ierland]], Sjotland, [[IngelandGroat-Brittannië]], [[VS|Amerika]] en [[Canada]] gevierd. Op 31 oktober verkleie de kinger ziech en goont in d'n duuster langs de deure in de buurt en belle aan woa verseringe sjtoon zoa es [[pompoen]]e en brennende keertse of leechskes. Ze rope dan: "Trick or treat" in de houp van de beweunersj get lekkersj te kriege. Kriege ze geine sjloek (treat) dan zölle ze tricks (kattekoad) oethole. De geweunte um pompoene es [[lampion]] of es keertsedrager toe te passe, zeen veer ouch in de Limburgse traditie van oetgehaolde [[kroot|krote]] die mèt de fièste van [[Sint Maarten]] en [[Driekeuninge]] gebruuk were. Keertsleech zou koaj geiste en gevaor aafwere.
De lètste jaore were ouch complete Halloweenfièste, Halloweenwandelinge, Halloween in de berg (b.v in de grotte van [[Sint-Pieter]] in [[Mestreech]]) en Halloweenmuziekfestivals georganiseerd.
