Dusseldörp: Versjèl tösje versies

Verwijderde inhoud Toegevoegde inhoud
Wijer gegaange. Iech höb Dusseldörp vaan de zomer gezeen; dat is zeker e veurdeil es iech 't noe ech wèl aofmake.
Tekslien 63:
 
===Oonderwies===
In Dusseldörp steit de [[Heinrich Heine-universiteit]]. Ze besteit nog neet zoe laank: gestiech in 1907, woort ze in 1965 tot universiteit verluf. Aon häör verboonde is de Düsseldorf Business School, wie me in 'n handelsstad wie dees maag verwachte. Väöl awwer is de [[Kunsacademie Dusseldörp]], die al in 1773 woort gestiech en de ajdste in häör soort is. Soortgelieke claims weure trouwens opgehawwe veur 't gymnasium oet 1545, wat 't ajdste es zoedaoneg gestiech [[gymnasium]] in Duitsland is. Belaankriek is ouch de [[Robert Schumann-Hoegsjaol]], gestiech in 1935 en tot 1987 bekind es Schumann-Conservatorium. Wijer gief 't in Dusseldörp väöl opleiinge veur beroepsoonderwies en veur touwgepasde wetensjap. 't [[Materiaolkunde]]g [[Max Planck-Instituut]] veur [[Iezer]] is beveurbeeld vaan väöl nut veur de [[staol]]industrie in 't kortbij Roergebeed.
 
===Cultuurinstèllinge===
 
===Sport===
Diverse [[sport]]e weure in Dusseldörp gedoon. Wie euveral wel in Duitsland is ouch hei [[voetbal]] de populairste sport. De plaotseleke club [[Fortuna Dusseldörp]] heet 'n groete historie achter ziech, meh veel in de jaore negeteg en nul wied trök in de [[voetbal in Duitsland|Duitse voetbalpiramide]]. Sindsdeen is ze get herstèld; allewijl (sezoen 2017/18) späölt ze in de [[Twiede Bundesliga]].
 
Nao Fortuna is de bekindste sportvereineging vaan Dusseldörp [[ieshockey]]club [[Dusseldörper EG]]. dees club woort ach kier kampioen vaan Duitsland; veur 't lèste in 2000. In de jaore tien góng ze door 'ne flessehals nao 't ewegvalle vaan d'n hoofsponsor, meh oetindelek is ze blieve bestoon.
 
In 't [[handbal]], d'n twiede nationaole sport vaan Duitsland, heet Dusseldörp mèt [[HSG Neuss/Düsseldorf]] 'n club in de twiede handbal-Bundesliga. In vreuger tije heet de stad mie handbalsucces gekind; door trökloupend succes móste de twie groete clubs fusere (wie oet de naom al dudelek weurt).
 
===Verkier===
Dusseldörp heet 'n eige [[vleegveld]], officieel gewoen ''Düsseldorf Airport'' ([[IATA-code]] '''DUS''') meh in de volksmoond ''Joltsemer Heed'' (Goltzumer Heide) geneump. Dit vleegveld góng in 1927 ope; allewijl is 't mèt 22 mieljoen passageers de daarde passageerslochhave vaan Duitsland en 't belaankriekste [[transferium]] vaan Noordrijn-Wesfale.
 
Dusseldörp weurt aongedoon door diverse [[otosnelweeg]]. D'n A3 (vaan de Nederlandse nao de Oosteriekse grens) löp oostelek aon de stad veurbij. De A44 (noorde), A46 (zuie) en A59 (zuie, riechting Kölle) zien mie vaan regionaol belaank. D'n A52, dee vaanaof de Nederlandse grens bij [[Remund]] löp ([[Provinciale waeg 280|Provinciaole weeg 280]]), indeg in de bebouwing vaan Dusseldörp; um perceis te zien in Frederiksjtad.
 
De stad weurt bedeend door diverse opebaarverveursysteme. Aon de Centraol Statie vaan Dusseldörp stoppe treine vaan alle niveaus, vaan ICE tot regionaol. Binne de stad zelf, en veur 't verveur riechting Kölle of 't Roergebeed, gebruke väöl Dusseldörpers de [[S-Bahn (Rijn-Roerregio)|S-Bahn]]. Zelfs de [[metro]] (U-Bahn) slut aon op dee vaan Duusbörg. Op lokaol niveau gief 't nog de [[bös]] en d'n [[tram]].
 
==Stadsgeziech==
Aafkomstig van Wikipedia, de Vriej Encyclopedie. "https://li.wikipedia.org/wiki/Dusseldörp"