't Verhaol begint bij de [[Eburone]], de [[Kelte|Keltische]] stam die veur de koms vaan de Romeine aon de Maos woende. De geboorte vaan [[Ambiorix]] ('Joorix') weurt getuind. Daonao kump 'n oetgebreid verslaag vaan de Gallischen oorlog vaan [[Julius Caesar|Caesar]], de vlöch vaan Ambiorix nao 't Rijnland en de oonderwerping en oetmaording vaan de Eburone nao 't Gallisch verlees. In de res vaan 't verhaol versjijnt Ambiorix es [[spookversjijning|geis]]. Hei-in passere vrij beknop episodes wie de [[Romeinse tied in de Limburge|Romeinsen tied]], de [[Frankisch Riek|Frankischen tied]] en de [[keerstening]], de [[feodalisme|feodalisering]] vaan 't Maosland en de koms vaan 't [[Prinsbisdóm Luik]], d'n [[Tachtegjaoregen Oorlog]], de [[Bokkerijers]] en de [[Franse tied in de Limburge|Fransen tied]]. De vörming en deiling vaan [[Limbörg (Vereinegde Nederlen)|Limbörg]] weure oetgebreid in beeld gebrach. Op de lèste blaajer zuut me oonder mie de vernederlandsing vaan Nederlands Limbörg, de koms vaan de kojl en de recente historie vaan [[Tóngere]].