Arabisch sjrif: Versjèl tösje versies
Verwijderde inhoud Toegevoegde inhoud
wijer |
K →Azië |
||
Tekslien 239:
De ierste taol boete 'n Arabisch boe 't sjrif veur woort gebruuk is 't [[Perzisch]]. Ietot 't [[Sassanideriek]] in 651 bij 't [[kalifaot]] woort ingelief, sjreef me hei [[Middelperzisch]] in 't [[Pehlevisjrif]]. D'n iew daonao waor 't Arabisch de cultuurtaol en woort de rol vaan 't Perzisch gemarginaliseerd. In d'n achsten iew evels maakde Perzië ziech los oet 't kalifaot; naovenant kraog zien taol ouch weer mie prestiesj. 'n Nui sjrieftaol oontstoont, gebaseerd op de gewoene spreektaol: 't Nuiperzisch. 't Perzisch had evels diverse klaanke die in 't Arabisch neet veurkaome, wie /p/, /v/ en /g/. daoveur móste nui lètters weure verzonne.
De expansie vaan de islamitische cultuur góng sindsdeen veur e groet deil vaan Perzië oet. In de bekierde len waor 't Arabisch dèks allein de taol vaan de religie; d'n handel góng in 't Perzisch. Heidoor naome diverse taole 't Perso-Arabisch sjrif euver: 't [[Koerdisch]], de [[Turkse taole]], 't [[Pathaans]] (Pasjtoe) en 't [[Urdu]]. Dit waor de taol vaan 't [[Mughalriek]] in [[Indisch subcontinent|Indië]], boe de militair elite islamitisch waor meh de res vaan 't volk neet. (Hindoes en boeddhiste bleve 't [[Sanskriet]] respectievelek [[Pali]] gebruke; later woort 't [[Hindi]] mie opgesjreve.)
Euver zie kaom d'n islam tot in [[Maleisië]], boe 't Arabisch sjrif ouch veur de [[Maleis]]e ingaank voont. Op [[Java]] had 't systeem mie concurrentie vaan de inheimse Indische sjrifte, al woorte de sprekers vaan 't [[Javaans]] en [[soendanees]] wel massaol moslim. Ouch in Wes-China verspreide 't sjrif ziech; neet allein veur de dao inheimse Turkse volker, meh ouch veur 't [[Chinees]], in e sjrif wat me [[Xiao'erjing]] is goon neume. Dit sjrif woort, en weurt deils nog, door de [[Hui (volk)|Hui]] (Chinese moslims) gebruuk.
| |||