Staotsvörm versjèl tösje versies

95 bytes toegeveug ,  3 jaar geleden
gein bewirkingssamevatting
* de [[Belsj|Belzje]] regeringsvörm is, zjus wie Nederland, ’n constitutioneel monarchie mèt e parlemintair systeem dewijl de Belzje staotsvörm, zjus wie Duitsland, ’n federatie is.
 
In de continentaole [[politicologie]] gief 't de traditie e versjèl te make tösse die twie vörm. In de [[Ingels|Angelsaksische]] wereld weurt dat versjèl evels dèks neet gemaak en weure de terme doorein gegoeid (touwpasselek, op 't momint vaan sjrieve besteit d'r gein Ingelse equivalent vaan dit artikel). Daodoor weure Nederland, Duitsland en Belsj door Ingelstaolege academici meistes respectievelek es volg geneump: 'n gedecentraoliseerde constitutionele monarchie mèt e parlemintair systeem, 'n gefederaliseerde parlemintair rippubliek en ’n gefederaliseerde constitutionele monarchie mèt e parlemintair systeem.
 
Wat percies 't versjèl is tösse 'ne gedecentraoliseerden einheidsstaot en 'n federatie is soms meuilek te zègke. Meistes weurt 't oetgelach in constitutionele terme. Zoe is Nederland gedecentraoliseerd mer nog ummertouw 'nen einheidsstaot umtot de provincies en gemeintes gein [[constitutie]]s höbbe die in hun eige respectieve territoria geliek staon aon de nationale constitutie. De boondsstaote vaan Duitsland höbbe evels wel zoen soort constituties. Ouch is 't meuilek um 'n lijn te trèkke tösse gecentraoliseerde en gedecentraoliseerde federatie en confederaties. Die twie staotsvörm zien, in vergelieking tot einheidsstaote, per definitie al gedecentraoliseerd. Me kin evels wel stèlle tot de ein (con)federatie minder gecentraoliseerd is de aander (con)federatie. De [[VS|Amerikaanse staote]] höbbe mie mach es de Duitse boondsstaote en zoe kin me stèlle tot de VS gedecentraoliseerder is. In de [[Russische Federatie]] is dit nog meuileker te zègke. Dao gief 't autonomie rippublieke die constitutioneel vergeliekbare mach höbbe es Amerikaanse en Duitse bondsstaote. 't Gief dao evels ouch [[oblas]]te, en die zien hendeger oondervoonde aon de gecentraolsieerde Russische wet es zelfs de Nederlandse provincies zien. De discussie roontelum staotsvörm is dus bijnao noets besjouwt es geslote.
8.062

bewirkinge

Aafkomstig van Wikipedia, de Vriej Encyclopedie. "https://li.wikipedia.org/wiki/Speciaal:MobielVerschillen/415491"