Houfsjtad: Versjèl tösje versies

Verwijderde inhoud Toegevoegde inhoud
sp
Zeiverklaos (Euverlèk | biedrages)
Geen bewerkingssamenvatting
Tekslien 14:
 
De hoofstad steit meistes geliek aon de groetste stad vaan de betröffende regio. In Europa is dat beveurbeeld euveral 't geval, mèt oetzundering vaan [[Ankara]], wat de hoofstad vaan [[Törkije]] is mer neet de groetse stad. [[Istanboel]] is vaan ajds de groetste stad vaan Törkije en 't veurmaoleg [[Osmaons Riek]]. Wie [[Atatürk]] de Törkse Rippebliek oetreep besloot heer evels tot de nui hoofstad moos ligke in 'n centraol plaots in [[Anatolië]]. In de [[VS]] is 't tegeneuvergestèlde 't geval. Dao zien de meiste staotshoofstei neet de groetste stad vaan de staot, en dèks zelfs ikkenomisch irrillevant. Zoe is neet [[New York City]] mer [[Albany]] de hoofstad vaan [[New York (staot)|de staot New York]]. Dit heet versjèllende reies. Soms waor 't strategisch gezeen 'n gooj plaots um te [[handel|marchandere]] mèt aander staote of um Europese legers (bev. de Ingelse of de Spanjole) aof te hawwe, mer 't kump bekans ummertouw drop neer tot de Amerikaanse hoofstei woorte aongeweze veurtot 't de groete demografische veranderinge gaof in [[Noord-Amerika]] die 't begin vaan de greuj vaan de allewijl prommenènte stei in beweging zatte. Dit dewijl in Europa de hoofstei zien aongeweze naotot de groete urbaon centra vaan 't continent ziech al hadde gevörmp. Dink daan beveurbeeld aon [[Amsterdam]], [[Londe]], [[Paries]] en, nog awwer, [[Roeme]]. Amsterdam is zelfs e contraveurbeeld vaan de Amerikaanse hoofstei: Amsterdam heet gein inkel institutie die normaliter weure gebruuk um 'n hoofstad te definiere. Zie heet häören titel te daanke aon 't feit tot zie sumpeleweg al veur 'n paar iewe 't groetste ikkenomisch centrum vaan 't land is.
 
== De Hoofstei vaan de Limbörge ==
De hoofstad vaan [[Nederlands Limbörg]] is [[Mestreech]] en die vaan [[Belsj Limbörg]] is [[Hasselt]]. Wie Limbörg e [[Hertogdom Limburg|Hertogdom]] waor vaan [[1082]] bis [[1795]] waor [[Limburg (stad)|de stad Limbörg]] de hoofstad. Dao zien de allewijl provincies daan ouch nao verneump. Vaan de allewijl Limbörge waore evels allein stökskes vaan 't allewijl Nederlands [[Zuid-Limbörg]] deil vaan 't Hertogdom. De provincie Limbörg die daonao opvolgde kaom groofweeg euverein mèt de allewijl Limbörge. Daovaan waor Mestreech de hoofstad. Limburg loog oondertösse in de [[Luik (provincie)|provincie Luik]]. In [[1830]], wie [[Nederland]] 't oostelek deil vaan Limbörg bezat en Belsj ziech mèt 't westelek deil oonaofhenkelek had verklaord, had 't nui Belsj Limbörg zien eigeleke hoofstad neet mie oonder controle: Mestreech woort succesvol bezat door de Hollenders. Gekoze woort veur 'n centraole stad, wat Hasselt waor, es tiedeleke hoofstad. Dat waor ouch umtot Hasselt vaan recentelek historisch belaank waor. In de [[Tiendaogse Veldtoch]] in [[1831]] hadde de Hollenders nog 's geperbeerd Hasselt in te nömme, mer die stad voch succesvol trök. Hasselt waor dus Belsjgezind. Mestreech bleef hoofstad vaan Nederlands Limbörg - neet allein meh umtot 't dat historisch al waor mer ouch umtot Mestreech 'n strategische en Nederlandsgezinde stad waor in 'n wijers vrij Belsjgezinde provincie. De keuzes vaan de hoofstei vaan de Limbörge höbbe daorum väöl te make mèt mekaars polletieke hawwing mèt hun eige len.
 
==Brónne==
Aafkomstig van Wikipedia, de Vriej Encyclopedie. "https://li.wikipedia.org/wiki/Houfsjtad"