Nagelsjrif: Versjèl tösje versies

{{dialek|Mestreechs}}

't '''Nagelsjrif''' ([[batavisme|vernederlands]] ''spiekersjrif'', [[germanisme|verduits]] ''kielsjrif'') is eint vaan de ajdste [[sjrifsysteem|sjrifte]] op de wereld. 't Oontstoont kort veur 't begin vaan 't [[daarde millennium veur Christus]] oet [[pictogram|pictografisch]] [[protosjrif]] en woort in ierste instantie gebruuk veur 't sjrieve vaan 't [[Soemerisch]]. 't Oontwikkelde ziech in de volgende iewe via e [[logogram|logografisch]] sjrif tot e [[syllabisch sjrif]]. Ouch woorte de teikes gestileerd in 'ne vörm dee rappelteert aon wigke (''Keilschrift'', ''cuneiform'') of negel (''spijkerschrift''). Zoe'n vörm lete ziech gemekelek make in de [[kleitablèt]]te boe-op me sjreef.