Nui-Zieland: Versjèl tösje versies

Gein gruuedjeverangering ,  5 jaar geleden
K
K (→‎Historie: typo)
 
== Historie ==
De [[Polynesiërs]], die al laank teveure de eilen vaan de Stèlle Zuidzie gekoloniseerd hadde, trokke tösse 500 en 1300 nao Nui-Zieland. Vreuger meinde sommege tot hei op dat memint al negrito's leefde, die door de Maori's zouwe zien verdroonge; allewijl evels nump me aon tot zij de ierste bewoeners waore. Heimèt is Nui-Zieland ein vaan de lèste groete landmassa die door de mins woorte ingenome. 't Gemaoteg, dat wèlt zègke kawwer, [[klimaat]] vaan dit land dwóng de Maori's väöl vaan de landbouwgewasse die ze hadde mètgenómme te laote valle, umtot vanavaan die plante in Nui-Zieland allein de [[zeuten eerappel]] kin greuje. De Maori's móste goon leve vaan de jach, en reujde zoedoende diverse inheimse bieste oet.
 
In [[december]] [[1642]] weurt Nui-Zieland, nao Australië, wat ''Nui-Holland'' geduip is, oontdèk door de expeditie vaan [[Abel Tasman]]. Vaanwege de vijandegheid vaan de plaotseleke bevolking trèk heer wijer. De Europees [[kolonisatie]] kump pas op geng mèt [[James Cook]], dee drin slaag handel te drieve mèt de Maori's. Vaanaof ca. 1790 weurt 't land laankzaamaon gekoloniseerd, veural door de Britte. Op [[6 fibberwarie]] [[1840]] weure bij 't [[Verdraag vaan Waitangi]] de betrèkkinge tösse [[Londe]] en Nui-Zieland geregeld; hei-in kriege de Maori's en de koloniste väöl zelfstendegheid. Es later in de [[negentiende iew]] 't verdraag väölvuldeg gesjonde weurt, breke tösse [[1845]] en [[1890]] tal vaan kleiner en groeter oorloge oet, de ''[[New Zealand Wars]]''.
Aafkomstig van Wikipedia, de Vriej Encyclopedie. "https://li.wikipedia.org/wiki/Speciaal:MobielVerschillen/412185"