Voer: Versjèl tösje versies

[[Plaetje:Gravenvoeren-1.jpg|thumb|250px|De Voer in [[Voere (dörp)|Voere]]]]

De '''Voer''' (ouch '''Voor''') ies 'n [[rivier]], die mièrder [[bron]]ne haet. Ein in de buurtsjap [[Zjwaan]] en 'n ander bie [[De Commanderiej]] aan 't begin van de [[forellekwekeriej]] bie de plaats [[S'n Pieëter]] in [[Belsj Limburg]]. Zoa is [[Voere (dörp)|Voere]] en later de gemeinte [[Voere (gemeinte)|Voere]] en nog later de [[Voere (sjtrieëk)|Voersjtreek]] aan hun name gekómme. Ze löp langs 't kesjtièl van S'n-Pieëter en vervolges nao [[S'n Maeëte]]. Hie mondt 't beekske de [[Väöësj]] d'r in oet. De Voor sjtruimp dan wiejer langs kesjtièl Ottegrove (in 't [[Voeres]]: '''Oettegrove''') (in 't [[Oos-Voeres]]: '''Ottegrove''') riechting [[Sjoppem]], woa 'n [[wad]] in de beek liek. In buurtsjap 't [[Vitsje]], vlak veur 't dörp [[Voere (dörp)|Voere]], mondt de [[Noor]] in de Voor. In dit typische [[dörp|lintdörp]] löp ze langs 't ''Meuleke'' en de ''meule van l'Homme'' en wiejer hièl markant aan ein zie van de hoofsjtraot. De ingeng van de hoezer liegke hie achter brökskes euver dees rivier. <br>