Italiaans: Versjèl tösje versies

Väöl Italiaanse wäörd zien, oonveranderd of aongepas, in 't Limburgs terech gekome. Dees wäörd zien in veer hoofcategorieë op te deile. De ierste zien de financieel terme (euvergenome in de laote [[Middelieuwemiddeliewe]]), wie ''baank'' en ''kassa''. De twiede zien de muziekterme, wie ''allegro'', ''andante'', ''adagio'', ''sonate'', ''cantate'', ''opera'', ''aria'', ''solo'', ''duo'' ezw. De derde zien de wäörd die mèt de allewijl hendeg populairen Italiaanse keuke te make höbbe: ''pasta'', ''spaghetti'', ''pizza'', ''ravioli'' ezw. In de veerde categorie valle veural de wäörd die typisch Italiaanse dinger aongeve, wie ''mafia'' (oorsproonkelek 'n afkörting vaan 'n verzètsbeweging tege de hegemonie vaan de [[Bourbon]]s).

't Italiaans weurt gesjreve in 't [[Latiens sjrif]]. 't Weurt nao fonetisch principe gesjreve. 't Alfabet kint 21 lètters. De lètters j, k, w, x en y oontbreke, al koume zie wèl veur in leinwäörd oet 't [[Greeks]] en [[Ingels]]. Italiaanse wäörd eindigeeindege bekans ummer op [[klinker]]s.