Saba is 't kleinste vaan alle Nederlands-Antilliaanse eilen. 't Is miermie es drei kier kleinder es [[Schiermonnikoog]] ('n verglieking soms gemaak in atlante), meh heet aanderhaaf kier zoeväöl inwoeners. 't Eiland besteit oet ein inkel völkaon, die evels wel veer vuurkóppels heet. Heidoor heet 't eiland e paar bergskes, boevaan 't hoegste, Mount Scenery, mèt 877 't hoegste punt vaan 't eiland en 't gans Keuninkriek vaan de Nederlen is. De combinatie vaan de kleinen umvaank en de hoege bergtop maak 't eiland hendeg steil en manifes oongesjik veur landbouw. 't Klimaot is vochteg en tropisch, wat me daan ouch in de begreujing trökzuut. Noordoostelek vaan 't eiland ligk 't oonbewoend [[Green Island]].
