Me vint de broenvès in diechte concentraties op oondepe plaotse in zieë op 't [[continentaol plat]] en noe en daan in deper water (meh zelde deep ''in'' 't water, al kinne ze miermie es 200 meter duke<ref name=iucn/>). Dit lèste is 't geval in de [[Noordeleke Ieszie]], zoe tösse [[Nova Zembla]], [[Spitsberge]], [[Iesland]], [[Greunland]] en 't Europees en Noord-Amerikaans ([[Canada]] en de [[VS]] zeker tot aon [[Virginia]]) vasteland. Ouch in de Noordzie en Ooszie kump 't bies veur, en wijer zuideleke langs 't weste vaan [[Europa]] en zelfs [[Afrika]] tot aon [[Senegal]]. In de [[Zwarte Zie]] en de [[Zie vaan Azov]] leef ouch 'n populatie, meh in de [[Middellandse Zie]] zuut me ze neet (frequint). In de zuideleke Noordzie, veur de kös vaan Nederland, woorte ze tösse 1965 en 1985 koelek gezien, meh sindsdeen zien ze trökgekoume;<ref name=stichterug>[http://www.noordzee.nl/dossiers_artikel.php?mainID=6&subID=36&contentID=157 Stiechting De Noordzee - De terugkeer van de bruinvis]</ref> de lèste jaore is 't zwoertepunt zelfs dudelek vaan 't noorde nao 't zuie versjuif.<ref>Camphuysen (2004), Thompson e.a. (2006); geciteerd in [http://www.iucnredlist.org/apps/redlist/details/17027/0 databaank IUCN]</ref> Ouch veur de Belzje kös koume ze allewijl weer dèks veur;<ref>[http://www.demorgen.be/dm/nl/5381/Bedreigde-Dieren/article/detail/1240242/2011/03/23/Duizenden-bruinvissen-in-Belgische-Noordzee.dhtml De Morgen - Duizenden bruinvissen in Belgische Noordzee]</ref> ze weure 'nen inkele kier zelfs tot in de [[Schelde]] gezeen.<ref>[http://www.hln.be/hln/nl/957/Belgie/article/detail/1234685/2011/03/11/Bruinvis-in-Bornem-overleden-na-botsing-met-boot.dhtml Het Laatste Nieuws - Bruinvis overleden na botsing met boot]</ref> Aon de Aziatische kös zuut me ze vaan bove de [[Beringstraot]] tot aon [[Japan]]; of ze ouch bij de [[Korea|Korea's]] veurkoume, is oonzeker. Aon de Noord-Amerikaanse weskös koume ze veur vaan [[Alaska]] tot en mèt [[Californië]].<ref name=iucn>[http://www.iucnredlist.org/apps/redlist/details/17027/0 ''Phocoena phocoena''] op de roej lies vaan 't IUCN</ref>
Veer [[oondersoort]]e kinne weure oondersjeie: ''P.p. phocoena'' in d'n [[Atlantischen Oceaon]], ''P.p. vomerina'' in 't ooste vaan de [[Stèllen Oceaon]], ''P.p. relicta'' in de [[Zwarte Zie]] en ein zoonder naom in de westeleke Stèllen Oceaon. Ouch 'n populatie in de [[Ooszie]] heet de speciaol aondach.<ref name=iucn/>
