Wim Kok: Versjèl tösje versies

Nao de verkezinge vaan 1989 nump de PvdA mèt 't [[CDA]] zitting in 't [[kabinet-Lubbers III]]. Kok weurt [[minister]] vaan Financië en [[vice-premier]]. Es minister continueerden 'r gooddeils 't beleid vaan de ierder kabinette-Lubbers. Dit kaom neer op 'n algemein versobering en bezuneginge vaan 17 miljard [[gölle]]. Heiveur woort in [[1990]] de zoegenaomde ''Tössebalans'' opgesteld. Bezuneg woort op [[subsidie]]s, [[defensie]], [[gezoondheidszörg]] en welzien. Wijer woort 't geld gehaold oet 'n heursverhoeging vaan 5,5%, tariefsverhoeging in 't Opebaar Verveur, verhoeging vaan [[accijns|accijnze]] en motorrijtuugbelasting op [[benzine]] ('t zoegenaomd ''[[Wölmke vaan Kok]]''). De [[btw]]-tarieve bleve geliek allewel tot me ziech 'n verlieging veurgenómme had. Ouch 'n efficiency-operatie mós mie geld oplevere. Hendege kritiek oet zien eige partij, oonder aonveuring vaan collega-minister [[Jan Pronk]], wie heer de [[WAO]]-reigelinge wouw aonpasse. De wèt woort oetindelek intak gelaote.

 

 

=== Premier ===