Pools hierevoetbalèlftal: Versjèl tösje versies

Veur d'n Ierste Wereldoorlog gaof 't gein oonaofhenkelek Pole; [[Congres-Pole]] woort es deil vaan Rusland gezien en had daorum gein eige èlftal. Mèt 't oontstoon vaan 'ne Poolse staot kós ouch e Pools èlftal weure geformeerd; dit späölde in [[1921]] zienen ierste match, tege [[Hongaars voetbalèlftal|Hongarije]] (1-0 verleesverluus). Pole woort veerde op de [[Olympische Speule]] in [[Berlijn]] vaan 1936, en deeg twie jaor later veur 't iers mèt aon e [[Wereldkampioensjap hierevoetbal|WK]] (in Fraankriek), boe nao e spectaculair duel mer zjus (5-6) vaan [[Braziliaans hierevoetbalèlftal|Brazilië]] woort verlore. Mèt de Duits-Sovjet-Russischen inval vaan 1939 kaom 't Pools èlftal aon zien ind.

In 1946 woort e nui èlftal opgestèld, wat begós tege [[Noors hierevoetbalèftal|Noorwege]] (3-1 verleesverluus). In dees jaore waor 't Pools èlftal nog neet bezunder succesvol. In 1963 bookden 't wel 'n klinkende euverwinning (9-0) op de Nore, 'nen oetslaag dee Pole pas in 2009 (10-0 tege [[San Marinees hierevoetbalèlftal|San Marino]]) zouw euvertreffe. 't Kaom pas ech op gaank wie in 1970 coach [[Kazimierz Górski]] woort aongestèld. Heer wis mèt Pole 'n gouwe medajel te hole op de Olympische Speule in [[München]] vaan 1972. Belaankrieker (umtot väöl groete voetballen de Speule links lete ligke) waor 't optrejje op 't WK vaan 1974, ouch in Wes-Duitsland. In de kwalificatie verrasde de Pole al door [[Ingels hierevoetbalèlftal|Ingeland]] oet te sjakele, later in 't toernooj bookde ze euverwinninge op [[Argentijns hierevoetbalèlftal|Argentinië]] en Brazilië. Door e verleesverluus tegen [[Duits hierevoetbalèlftal|'t gasland]] woort de finale evels zjus neet gehaold.