Italiaons hierevoetbalèlftal: Versjèl tösje versies

Verwijderde inhoud Toegevoegde inhoud
Daan is dit natuurlek 't logisch vervolg.... Trouwens, iech haw weer eve op mèt die voetbalartikele, want dalek begint 't voetballe weer! :)
 
PahlesBot (Euverlèk | biedrages)
K Robot: autematis teks vervange (-verlees +verluus)
Tekslien 4:
 
==Historie==
't Èlftal woort in 1910 opgeriech; 't ierste speul, tege [[Frans hierevoetbalèlftal|Fraankriek]], woort geliek mèt 6-2 gewonne. Italië kós toen al e bleujend clubvoetbal mèt 'n [[voetbalcultuur]] die de Ingelse nao de kroen kós steke. Op de [[Olympische Speule]] in Amsterdam vaan 1928 woorte ze daarde, nao e verleesverluus tege [[Uruguayaans hierevoetbalèlftal|Uruguay]] (toen mesjiens wel 't bèste team vaan de wereld) en 'n wins tegen [[Egyptisch hierevoetbalèlftal|Egypte]]. Aon 't [[Wereldkampioensjap hierevoetbal|WK]] vaan 1930 deeg Italië neet mèt; 't volgend WK woort in eige land gehawwe en dao woort 't land direk wereldkampioen. Veer jaor later, in Fraankriek, lökden 't um deen titel vas te hawwe.
 
In [[1949]] raakden 't Italiaans voetbal bij de ''Superga-vleegramp'' in eine klap tien vaan zien speulers kwiet. De volgende jaore zouw 't voetbal geine sjiem zien vaan 't team wat veur d'n oorlog 't wereldvoetbal had gedomineerd. In de jaore viefteg en zèsteg evels kaom 't clubvoetbal in 't land tot groete huugde, en 't niveau vaan 't nationaol èlftal steeg mèt. Bij 't WK vaan 1966 waore ze de groete favoriete, meh in de grópsfaas verlore ze vaan de [[Russisch hierevoetbalèlftal|Sovjet-Unie]] en vaan [[Noord-Koreaans hierevoetbalèlftal|Noord-Korea]]. Veural 't lèste späöl woort toes in Italië es 'n groete sjan gezeen. Nog jaore daonao repe de Italiaanse supporters vaan ''Corea, Corea'' es 't team ins oondermaots presteerde. Beter góng 't ze aof op 't [[Europees kampioensjap hierevoetbal|EK]] vaan 1968 in eige land, wat ze wonne. Dit is tot nog touw de lèste kier tot Italië 'nen Europesen titel pakde. In 1970 woorte ze twiede op 't WK, in 1978 daarde (nao e verleesverluus tege [[Nederlands hierevoetbalèlftal|Nederland]]).
 
Italië waor weer gans trök wie 't in 1982 de wereldtitel pakde, oonder coach [[Enzo Bearzot]]. Bearzot zouw aonblieve tot 1986, meh de tegevallende prestaties dege häöm toch aoftrejje. In 1990 kaom 't WK obbenuits nao Italië; 't land deeg 't hei beter es veer jaor ieder en haolde de daarde plaots. 't Team hanteerde in dezen tied e zier defensief en op 't rizzeltaot geriech speul, boebij ze 't leefste vreug in de wèdstrijd scoorde en daan de res vaan d'n tied dee veursprunk door negatief voetbal perbeerde vas te hawwe. Allewel tot 't mier ploge gaof mèt zoe'n tactiek, haolde Italië heimèt in 1994 zelfs de finaal vaan 't WK, boe 't tege Brazilië oetindelek tot penanties kaom.
Aafkomstig van Wikipedia, de Vriej Encyclopedie. "https://li.wikipedia.org/wiki/Italiaons_hierevoetbalèlftal"