Swahili: Versjèl tösje versies

't Swahili is 'n Bantoetaol, meh es taol vaan 'n [[islam]]itisch volk wat iewelaank handel dreef mèt de [[Arabiere]] en de [[Perzië|Perze]] heet 't hiel väöl Arabische en [[Perzisch]]e wäörd opgenómme. Daoneve höbbe ouch 't [[Portugees]] (in de [[zestiende iew]] veural) en 't [[Ingels]] (tijenstijdens de [[kolonisatie]]) hun spoere achtergelaote in de taol. 't Bantoe-karakter vaan 't Swahili bliek wel oet de meneer boe-op ouch de leinwäórd behandeld weure: e woord wie ''kitabu'' ("book", vaan 't Arabisch ''kitâb'') heet es [[miervoud]] ''vitabu'' en neet ''al-uktub''. Hei is de ierste [[syllaab]] ''ki-'' es klasse-[[affix]] opgevat en in 't miervoud door 'n andert vervange, dewijl 't Arabisch 't woord in 't miervoud opebrik. De taol kint vief klasse vaan [[substantief|substantieve]] en kint bij [[verb]]e ouch e systeem vaan affixatie.