Sint Maarten (Frans): Versjèl tösje versies

De Franse presintie in de regio begint in de [[zeventienden iew]], mèt de stiechting vaan de ''Compagnie de Saint-Christophe'' in 1626. De Fransoze verbouwe [[touwbak]] op 't eiland, ouch al gief 't tegeliek op 't zuidooste e Spaons garnizoen. In [[1648]] numme de [[Rippubliek vaan de Zeve Vereinegde Nederlen|Hollenders]] 't zuie euver; me besluut veur de kwestie mèt de Fransoze op te losse en 't eiland te verdeile wie 't noe nog verdeild is ([[Verdraag vaan COncordia]]). In deen tied ressorteert 't Frans deil oonder de kolonie op [[Saint Kitts]] (''Saint-Christophe'' in 't Frans). Es tijenstijdens de [[Nederlands-Ingelse oorloge]] de Ingelse e paar kier Sint Maarten pakke, numme ze ouch 't Frans deil in; vaan [[1689]] tot [[1697]] ([[Vrei vaan Rijswijk]]) weure de Franse bewoeners vaan 't eiland zelfs gedeporteerd. In de chaos [[Franse revolutie]] lök 't de Hollenders in [[1794]] 't Frans deil te pakke, meh in [[1796]], nao de Franse bezètting vaan de Nederlen, weurt de situatie umgedrejd. Tösse [[1810]] en [[1815]] bezètte de Britte Sint Maarten nog eine kier, um 't in [[1816]] definitief trök te geve. In [[1839]] slete de Fransoze en de Nederlanders 'n conventie boe-in 't Verdraag vaan Concordia gepreciseerd weurt, en boe-in ouch gooj aofspraoke euver 't gemein gebruuk vaan beveurbeeld de zaajtpötte weure gemaak.