FC Twente: Versjèl tösje versies

'''FC Twente''' is 'ne [[voetbal]]club oet [[Enschede]]. Ze woort in [[1965]] opgeriech es fusieclub tösse [[SC Enschede]] en [[Enschedese Boys]]. Twente späölt zien toeswèdstrije in de [[Grolsch Veste]], geneump nao de beerbrouwer dee hoofsponsor vaan de club is. De club begós direk in de [[Ieredevisie (hierevoetbal)|Ieredevisie]] en haolde vaanaof ind jaore zèsteg aonsprekende rizzeltaote. In 1974 haolde Twente zelfs de twiede plaots. Begin jaore tachteg kaom eve de klad drin en in 1983 degradeerde de club nao de [[Ierste Devisie (Nederlands voetbal)|Ierste Devisie]], um nao e jaor weer te promovere. In de viefentwinteg volgende jaore waor FC Twente 'ne subtopper, dee dèks wied kaom in de [[KNVB-beker (maansluimanslui)|KNVB-beker]]. 'n Wiedgoonde sjaolvergroeting kump in d'n twieden hèlf vaan de jaore nul op gaank, oonder veurzitter [[Joop Munsterman]]. Heer wèt, mèt trainer [[Steve McClaren]], vaan Twente 'n topclub te make, en in 2010 weurt de club zelfs landskampioen. Zie financieel beleid waor evels riskant en oetindelek desastreus: de club kós neet oonder de sjöldelas oetkoume en verloor ziene topstatus. Diverse kiere dreigde de club failliet te goon en/of häör proflicentie kwiet te rake.