Piet de Jong versjèl tösje versies

2 bytes eweggehaold ,  4 jaar geleden
Mehnein, /bij/ zienen doed. "Tot" suggereert tot 'r 't al waor sinds heer in 1971 aoftraoj.
K (sp)
(Mehnein, /bij/ zienen doed. "Tot" suggereert tot 'r 't al waor sinds heer in 1971 aoftraoj.)
In 1967 weurt heer [[premier]] vaan Nederland; 't [[kabinèt-De Jong]] berös op 'n coalitie vaan [[KVP]], [[VVD]], [[ARP]] en [[CHU]]. Oondaanks zien awwerwèts, stief imago en de rechse aard vaan de coalitie veurt heer e pragmatisch beleid wat good mètgeit in de veraanderenden tiedgeis. Oonder De Jong zie premiersjap weurt 't [[demonstratierech]] oetgebreid en de zedewètgeving verruimp (mie meugelekhede tot [[sjeiing]] en [[anticonceptie]]). Wijers begint De Jong mèt 't wekeleks gesprek mèt de Keuningin en gief 'r es ierste premier peersconferenties. Ouch vaan beteikenis waor 't besluut um börgemeister [[Gijs van Hall]] [[Lies vaan börgemeisters vaan Amsterdam|vaan Amsterdam]] te oontsloon; nao 't inziech vaan De Jong waor dee te awwerwèts en rigide um mèt 't radicaol sentimint in de stad um te goon. De Jong merkde euver zien kalm reacties op de veranderenden tiedgeis dèks op, tot heer oet zienen tied op zie wel erger gewoen waor, en tot de situatie op de wal in zien ouge ummer hendeg börgerlek waor. In later jaore woort zie premiersjap euver 't algemein positief beoordeild; allewijl zuut me häöm es eine vaan de bèste nao-oorlogse premiers vaan Nederland.
 
Nao zienen tied es premier zaot heer nog tot 1974 in de [[Ierste Kamer]], sinds 1972 es fractieveurzitter. Ouch daonao heel heer ziech nog dèks op d'n achtergroond bezeg mèt de politiek. Bij de val vaan 't [[kabinèt-Balkenende IV]] had heer fellefel kritiek op [[Wouter Bos]], dee de regering had doen valle, en in 2010 spraok heer ziech oet tege de vörming vaan 't [[kabinèt-Rutte I]], boeveur samewèrking mèt de [[PVV]] woort gezoch.
 
De Jong storf in 2016 op 101-jaorege leeftied. Heer waor al sinds 1988 (d'n doed vaan [[Willem Drees]]) d'n ajdste nog levenden ex-premier vaan Nederland; totbij zienen doed waor heer 't ajdste levende veurmaoleg staots- of regeringshoof op de ganse wereld.
 
{{DEFAULTSORT:Jong, Piet de}}
Aafkomstig van Wikipedia, de Vriej Encyclopedie. "https://li.wikipedia.org/wiki/Speciaal:MobielVerschillen/404141"