[[Plaetje:Bilaterian-plan.svg|thumb|Groondplan vaan de Bilateria.]]
'''Bilateria''' zien e [[taxon]] oet 't [[Bieste]]riek wat de [[symmetrie|lijnsymmetrische]] bieste umvat; dat wèlt zègke: allesalle bieste boete de [[Spoonsechtege|Weefselloeze]] (Parazoa: [[Spoonze]] en [[Plakbieskes]]), die gaaroet gein symmetrie vertuine, en de [[Radiata|Haoltebieste]] (Radiata: [[Nietelbieste]] en [[Ribkwalle]]), die drejsymmetrisch zien. Door 't laankgerek lief heer löp e binnekenaal wat begint mèt de [[moond]] en indeg mèt d'n [[anus]]. In hunne sumpelste vörm geit 't um [[wörm]]; versjèllende [[stam (taxonomie)|stam]]me voldoen aon dat fenotyp. Bij aander stamme höbbe ziech evels poete en/of vinne oontwikkeld, die helpe bij de voortbeweging. 'n Belaankrieke oetzundering zien de [[Stekelhuiege]], die ziech weer tot 'ne drejsymmetrische vörm höbbe oontwikkeld; ouch dees bieste höbbe evels e laankwerpeg [[larf|larvestadium]]. Dèks höbbe de Bilateria ouch 'ne [[kop]], boe-in ziech 't knouppunt vaan 't nervestèlsel (de [[herses]]) bevint; de neet-Bilateria höbbe die herses neet.
