Penantie: Versjèl tösje versies

Miestal heet 'ne keeper neet d'n tied um naotot d'n aonvaller gesjot heet nog nao de bal te duke. De gemiddelde keeper kin ziech 't bèste 'nen hook keze, in de hoop tot d'n aonvaller inderdaod daoheen sjöt. Soms kin 't evels de meujte loene um de speuler in zien beweginge te volge (meh zuug bove), en zoe te zien mèt wat veur bein heer wie geit sjete. Ouch kin me psychologische tactieke gebruke um d'n aonvaller oet zien concentratie te hole. In alle gevalle is 't good es de keeper ziech maximaol strek, zoetot heer de bal ouch oet de goal hèlt wienie dee door 't midde geit.

 

In toernoje die mèt 'n knock-outfaas weure beslis, maag 'n wèdstrijd of 'n paar vaan wèdstrije neet in 'ne gelieke stand indege. Späölt me toch geliek, daan weurt [[verlènging (voetbal)|verlèngk]]. Soms weurt ouch in de verlènging de wèdstrijd neet oetgemaak. Vreuger späölde me daan de wèdstrijd later nog ins euver, of, es me geinen tied had, goejde me 'n munt op. Naotot op 't [[Europees Kampioensjap hierevoetbal 1968|EK vaan 1968]] allebei 'ne kier waor gebäörd, besloot me tot dat aanders mós. Es nao verlènging de wèdstrije geliek indege, numme de voetballers 'n serie vaan vief penanties. De speulers sjete umstebeurt, en um en um vaan eder partij, 'n penantie, en wee nao vief stök de mieste raak heet, heet gewonne. Is 't nao vief penanties nog geliek, daan geit me door volgens 't ''[[sudden death]]''-systeem: wee es ierste 'n penantie mis dewijl d'n aander raak sjöt, heet verlore.