Mongolië: Versjèl tösje versies

Mongolië weurt sinds iewe door nomade bewoend, ouch al nomade vaan [[Mongole|Mongoolse]] aofkoms. In de [[daartiende iew]] lökden 't [[Dzjengis Chan]] alle Mongoolse stamme (mèt geweld) te vereinege en begós de bleujtied vaan 't [[Mongools Riek]]: heer en zien opvolgers vereuverde e gebeed vaan Sjina tot aon [[Bagdad]] en [[Moskou]]. Daonao raakden 't ouch weer snel in verval: nao 'n iew veel 't gebeed trök tot 't oorsprunkelek Mongolië en in [[1636]] en [[1691]] woorte respectievelek Binne- en Boete-Mongolië door Sjina vereuverd. Wie in de [[negentiende iew]] Sjina oonder sterken invlood kaom vaan de westerse len naom in Mongolië de [[Rusland|Russischen]] invlood touw, en in [[1922]] woort Boete-Mongolië mèt steun vaan de [[USSR]] 'n oonaofhenkeleke volksrippebliek. E [[referendum]] in [[1945]] leet 'n bekaans unaniem steun veur definitief oonaofhenkelekheid zien, en de Volkrippebliek Sjina erkinde bij häör aontrejje in [[1949]] de staot Mongolië. In [[1952]] euverleed d'n dictator [[Horloogijn Tsjojbalsan]], en in de jaore daonao woort heer ummer mier bekritiseerd, op 'n meneer vergliekber mèt de [[destalinisatie]] in de USSR. In [[1990]] veel mèt 't [[communisme]] in de USSR ouch in Mongolië de communistisch regering, en in [[1992]] waor de nui [[constitutie]] veerdeg, die vaan 't land 'n democratie maakde.

 

 

{{Stumpke}}