[[File:LocatieZuidBeveland.png|thumb|De ligking va Zuud-Beveland.]]
'''Zuud-Bevelank''' ([[Nederlands|Ollesj]]: ''Zuid-Beveland'') is 't oeëstelig deel va [[Zieland|Zieëland]]. Zujelig grensj 't gebeed aa d'r [[Westerschelde]], noardelig aa [[Naord-Bevelandj|Noard-Bevelank]] en d'r [[Oosterschelde]]. Westelig grensj Zuud-Beveland aa [[Walchere]] en oeëstelig aa de provins [[Noord-Braobant|Noard-BrabangkBrabant]]. 't Gebeed besjteet oet de gemeente: [[Goes]], [[Kapelle-Biezelinge]], [[Borsele]] en [[Reijmerswaal]]. Beieen tilt Zuud-Beveland um en bei 92.081 lüj (de letste gegeëves sjtamme van 2006.) In Zuud-Bevelank zint de mieëtste lüj [[gerifformeerd-protestants]]. Vruëger besjtóng 't gebeed oet [[sjlikke]] en [[sjorre]] mit eilendsjes, deë sjpieëter ingepolderd woeëde. Dees polders kinmerke zich döks durch 'n klinge flaak. In 't gebeed óntsjtónge in de [[Middeliewe|Middelieëwe]] versjillige sjteëj, wie: Goes (de groeëtste va Zuud-Bevelank mit 26.920 lüj (1-1-2010)), [[Kapelle]], Borssele, [[Kruiningen]] en [[Yerseke]]. Yerseke sjteet óch bekank um zing [[mósjel]]e en [[oester]]vösjerie. De res van 't gebeed weëd gebroek vuur akkerlankboew. Zuud-Bevelank vangk óch 't groeëtste deel van 't verkieër i Zieëland op. De wichtigste weëg zint d'r autosjnelwaeg [[A58]] en e kót sjtök autosjnelweëg bei Goes: d'r [[A256]]. D'r A256 geet uëver i d'r N256 noa Noard-Beveland en [[Schouwen-Duiveland|Schouwen]], deë uëver de bereumde vuuf kilometer lange [[Zieëlandbrögk]] lup. Anger wichtige weëg zint d'r [[N62]], d'r [[N254]] en de [[N289]]. D'r N62 lup via de in 2003 ge-öapende [[Westerscheldetunnel]] noa [[Ziews-Vlaondere|Zieëws-Vlaandere]]. D'r lup óch inne ieëzerweëg va [[Bergen op Zoom]] noa [[Vlissingen]].
